Artikolu 3 Miri għall-infrastruttura tal-irriċarġjar intiża għall-vetturi elettriċi ħfief

L-Istati Membri għandhom jiżguraw li, fit-territorju tagħhom, stazzjonijiet tal-irriċarġjar aċċessibbli għall-pubbliku intiżi għall-vetturi elettriċi ħfief jiġu varati b’mod li jkun proporzjonat għall-adozzjoni ta’ vetturi elettriċi ħfief u li jipprovdu potenza tal-output suffiċjenti għal dawk il-vetturi.

Meta s-sehem ta’ vetturi elettriċi ħfief bil-batterija mqabbel mal-flotta totali ta’ vetturi ħfief irreġistrati fit-territorju ta’ Stat Membru jilħaq mill-inqas 15 % u l-Istat Membru juri li l-implimentazzjoni tar-rekwiżiti stabbiliti fil-paragrafu 1, it-tieni subparagrafu, għandha effetti avversi f’dak l-Istat Membru, billi tiskoraġġixxi l-investimenti privati, u li ma għadhiex ġustifikata, dak l-Istat Membru jista’ jressaq talba motivata lill-Kummissjoni għall-awtorizzazzjoni biex japplika rekwiżiti aktar baxxi f’termini tal-livell tal-potenza tal-output totali jew biex jieqaf japplika tali rekwiżiti.

Il-Kummissjoni għandha, fi żmien sitt xhur minn meta tirċievi talba motivata mressqa skont il-paragrafu 2, tadotta deċiżjoni kif ġustifikat f’kull każ.

L-Istati Membri għandhom jiżguraw kopertura minima ta’ punti tal-irriċarġjar aċċessibbli għall-pubbliku intiżi għall-vetturi elettriċi ħfief fuq in-network tat-toroq fit-territorju tagħhom.

Il-kalkolu tal-perċentwal tat-tul tan-network komprensiv tat-toroq TEN-T imsemmi fil-paragrafu 4, il-punt (b)(i), għandu jkun ibbażat fuq l-elementi li ġejjin:

Grupp uniku ta’ stazzjonijiet tal-irriċarġjar aċċessibbli għall-pubbliku intiż għall-vetturi elettriċi ħfief jista’ jiġi varat tul inn-network tat-toroq TEN-T għaż-żewġ direzzjonijiet tal-ivvjaġġar dment li:

B’deroga mill-paragrafu 4 ta’ dan l-Artikolu, tul it-toroq tan-network TEN-T b’medja annwali totali ta’ traffiku ta’ kuljum ta’ inqas minn 8 500 vettura ħafifa u meta l-varar tal-infrastruttura ma jistax jiġi ġġustifikat f’termini ta’ kostijiet-benefiċċji soċjoekonomiċi, l-Istati Membri jistgħu jipprevedu li grupp ta’ stazzjonijiet tal-irriċarġjar aċċessibbli għall-pubbliku intiż għall-vetturi elettriċi ħfief iservi ż-żewġ direzzjonijiet tal-ivvjaġġar dment li jiġu ssodisfati r-rekwiżiti stabbiliti fil-paragrafu 4 ta’ dan l-Artikolu f’termini tad-distanza massima bejn il-gruppi ta’ stazzjonijiet tal-irriċarġjar, il-potenza tal-output totali tal-grupp ta’ stazzjonijiet tal-irriċarġjar, l-għadd ta’ punti tal-irriċarġjar u l-potenza tal-output tal-punti uniċi tal-irriċarġjar applikabbli għal direzzjoni waħda tal-ivvjaġġar, u li l-grupp ta’ stazzjonijiet tal-irriċarġjar ikun aċċessibbli faċilment miż-żewġ direzzjonijiet tal-ivvjaġġar u li jkun sinjalat b’mod adegwat. L-Istati Membri għandhom jinnotifikaw lill-Kummissjoni bi kwalunkwe każ li fih ikunu għamlu użu mid-deroga msemmija f’dan il-paragrafu. L-Istati Membri għandhom jirrieżaminaw dawk il-każijiet kull sentejn bħala parti mir-rappurtar nazzjonali dwar il-progress imsemmi fl-Artikolu 15.

B’deroga mill-paragrafu 4 ta’ dan l-Artikolu, tul it-toroq tan-network TEN-T b’medja annwali totali ta’ traffiku ta’ kuljum ta’ inqas minn 8 500 vettura ħafifa u meta l-varar tal-infrastruttura ma tistax tiġi ġġustifikata f’termini ta’ kostijiet-benefiċċji soċjoekonomiċi, l-Istati Membri jistgħu jnaqqsu, sa massimu ta’ 50 %, il-potenza tal-output totali tal-grupp ta’ stazzjonijiet tal-irriċarġjar aċċessibbli għall-pubbliku intiż għall-vetturi ħfief meħtieġ skont il-paragrafu 4 ta’ dan l-Artikolu, dment li l-grupp ta’ stazzjonijiet tal-irriċarġjar jaqdi biss direzzjoni waħda tal-ivvjaġġar u li jkunu ssodisfati r-rekwiżiti l-oħra stabbiliti fil-paragrafu 4 ta’ dan l-Artikolu f’termini tad-distanza massima bejn il-gruppi ta’ stazzjonijiet tal-irriċarġjar, l-għadd ta’ punti tal-irriċarġjar u l-potenza tal-output tal-punti uniċi tal-irriċarġjar. L-Istati Membri għandhom jinnotifikaw lill-Kummissjoni bi kwalunkwe każ li fih ikunu għamlu użu mid-deroga msemmija f’dan il-paragrafu. L-Istati Membri għandhom jirrieżaminaw dawk il-każijiet kull sentejn bħala parti mir-rappurtar nazzjonali dwar il-progress imsemmi fl-Artikolu 15.

B’deroga mir-rekwiżit relatat mad-distanza massima ta’ 60 km bejn il-gruppi ta’ stazzjonijiet tal-irriċarġjar aċċessibbli għall-pubbliku intiżi għal vetturi ħfief stabbilit fil-paragrafu 4, il-punti (a) u (b), ta’ dan l-Artikolu, l-Istati Membri jistgħu jippermettu distanza itwal, sa massimu ta’ 100 km, għal tali gruppi ta’ stazzjonijiet tal-irriċarġjar tul toroq tan-network TEN-T b’medja annwali totali ta’ traffiku ta’ kuljum ta’ inqas minn 3 000 vettura ħafifa dment li d-distanza bejn il-gruppi ta’ stazzjonijiet tal-irriċarġjar tkun issinjalata b’mod adegwat. L-Istati Membri għandhom jinnotifikaw lill-Kummissjoni bi kwalunkwe każ li fih ikunu għamlu użu mid-deroga msemmija f’dan il-paragrafu. L-Istati Membri għandhom jirrieżaminaw dawk il-każijiet kull sentejn bħala parti mir-rappurtar nazzjonali dwar il-progress imsemmi fl-Artikolu 15.

Meta Stat Membru jkun innotifika lill-Kummissjoni b’każ li fih ikun għamel użu minn deroga msemmija fil-paragrafu 7, ir-rekwiżiti stabbiliti fil-paragrafu 4, il-punti (a) u (b), f’termini tad-distanza massima bejn il-gruppi ta’ stazzjonijiet tal-irriċarġjar, għandhom jitqiesu li ġew issodisfati.

L-Istati Membri ġirien għandhom jiżguraw li d-distanzi massimi msemmija fil-paragrafu 4, il-punti (a) u (b) ma jinqabżux għat-taqsimiet transfruntiera tan-network ewlieni tat-toroq TEN-T u tan-network komprensiv tat-toroq TEN-T.