Artikolu 24 Rappurtar u rieżami

Fir-rigward tal-istazzjonijiet tar-riforniment tal-idroġenu, il-Kummissjoni għandha tkompli tivvaluta r-rekwiżiti msemmija fl-Artikolu 6 fid-dawl tal-iżviluppi teknoloġiċi u tas-suq, il-ħtieġa li tiġi speċifikata kapaċità ogħla għal dawk l-istazzjonijiet, il-ħtieġa li jiġu speċifikati l-miri għall-infrastruttura tar-riforniment tal-idroġenu likwidu, kif ukoll id-data għall-estensjoni tar-rekwiżiti għall-varar tal-istazzjonijiet tar-riforniment tal-idroġenu għan-network komprensiv TEN-T.

Fir-rieżami tagħha, il-Kummissjoni għandha tivvaluta, b’mod partikolari, l-elementi li ġejjin:

Bħala parti minn dan ir-rieżami, il-Kummissjoni għandha tivvaluta wkoll il-punt sa fejn l-implimentazzjoni ta’ dan ir-Regolament laħqet l-objettivi tiegħu u sa liema punt din kellha impatt fuq il-kompetittività tas-setturi rilevanti koperti minnu. Dak ir-rieżami għandu jkopri wkoll l-interazzjoni ta’ dan ir-Regolament ma’ atti legali rilevanti oħra tal-Unjoni u għandu jidentifika kwalunkwe dispożizzjoni li tista’ tiġi aġġornata u ssimplifikata, kif ukoll azzjonijiet u miżuri li possibbilment ittieħdu jew li jistgħu jittieħdu biex titnaqqas il-pressjoni tal-kostijiet totali fuq is-setturi rilevanti. Bħala parti mill-analiżi tal-Kummissjoni tal-effiċjenza ta’ dan ir-Regolament, ir-rieżami għandu jinkludi wkoll valutazzjoni tal-piż li dan ir-Regolament jimponi fuq in-negozji.