Airteagal 24 Tuairisciú agus athbhreithniú

Maidir le stáisiúin athbhreoslaithe hidrigine, déanfaidh an Coimisiún measúnú sa bhreis ar na ceanglais dá dtagraítear in Airteagal 6 i bhfianaise na bhforbairtí teicneolaíochta agus margaidh, an gá atá le toilleadh níos airde a shonrú do na stáisiúin sin, an gá atá le spriocanna a shonrú do bhonneagar athbhreoslaithe hidrigine leachtaí, chomh maith leis an dáta chun na ceanglais maidir le stáisiúin athbhreoslaithe hidrigine a imscaradh chuig an ngréasán cuimsitheach TEN-T a fhadú.

Ina athbhreithniú, déanfaidh an Coimisiún measúnú, go háirithe, ar na gnéithe seo a leanas:

Mar chuid den athbhreithniú sin, déanfaidh an Coimisiún measúnú freisin ar a mhéid atá bainte amach ó thaobh cuspóirí de ag cur chun feidhme an Rialacháin seo agus ar a mhéid atá imeartha aige ó thaobh tionchair de ar iomaíochas na n-earnálacha ábhartha a chumhdaítear leis. Cumhdófar leis an athbhreithniú sin freisin idirghníomhú an Rialacháin seo le gníomhartha dlí ábhartha eile an Aontais agus sainaithneofar ann aon fhorálacha a d’fhéadfaí a thabhairt cothrom le dáta agus a shimpliú, chomh maith le gníomhaíochtaí agus bearta atá déanta nó a d’fhéadfaí a dhéanamh chun an brú costais iomlán ar earnálacha ábhartha a laghdú. Mar chuid d’anailís an Choimisiúin ar éifeachtúlacht an Rialacháin seo, áireofar san athbhreithniú freisin measúnú ar an ualach a fhorchuirtear ar ghnólachtaí leis an Rialachán seo.