Artikolu 20 L-ibbankjar u t-teħid b’self tas-surplus ta’ konformità bejn il-perjodi ta’ rappurtar

1.   Abbażi tal-kalkoli mwettqa f’konformità mal-Artikolu 16(4), meta l-bastiment ikollu, għall-perjodu ta’ rapportar, surplus ta’ konformità fuq l-intensità tal-gassijiet serra tiegħu kif imsemmi fl-Artikolu 4(2) jew, jekk applikabbli, fuq is-submira RFNBO kif imsemmi fl-Artikolu 5(3), il-kumpanija tista’ tibbankjah għall-bilanċ ta’ konformità tal-istess bastiment għall-perjodu ta’ rapportar ta’ wara. Il-kumpanija għandha tirreġistra l-ibbankjar tas-surplus ta’ konformità għall-perjodu ta’ rappurtar sussegwenti fil-bażi tad-data FuelEU, soġġett għall-approvazzjoni mill-verifikatur tagħha. Il-kumpanija ma tistax tibqa’ tibbankja s-surplus ta’ konformità ladarba jkun inħareġ id-dokument tal-konformità FuelEU.

2.   Abbażi tal-kalkolu li jkun sar f’konformità mal-Artikolu 16(4), meta l-bastiment ikollu, għall-perjodu ta’ rapportar, defiċit ta’ konformità, il-kumpanija tista’ tissellef antiċipu tas-surplus ta’ konformità tal-ammont korrispondenti mill-perjodu ta’ rappurtar sussegwenti. L-antiċipu tas-surplus ta’ konformità għandu jiżdied mal-bilanċ ta’ konformità tal-bastiment fil-perjodu ta’ rappurtar u l-antiċipu tas-surplus ta’ konformità multiplikat b’1,1 għandu jitnaqqas mill-bilanċ ta’ konformità tal-istess bastiment fil-perjodu ta’ rappurtar sussegwenti. L-antiċipu tas-surplus ta’ konformità ma jistax jittieħed b’self:

3.   Sat-30 ta’ April tal-perjodu ta’ verifika, il-kumpanija għandha tirreġistra l-antiċipu tas-surplus ta’ konformità, wara approvazzjoni mill-verifikatur tagħha, fil-bażi tad-data FuelEU.

4.   Meta bastiment ma jkollu l-ebda waqfa f’port fl-Unjoni matul il-perjodu ta’ rappurtar u jkun issellef antiċipu tas-surplus ta’ konformità fil-perjodu ta’ rappurtar preċedenti, l-awtorità kompetenti tal-Istat amministrattiv għandha tinnotifika sal-1 ta’ Ġunju tal-perjodu ta’ verifika lill-kumpanija kkonċernata bl-ammont tal-penali FuelEU kif imsemmi fl-Artikolu 23(2) li inizjalment ikun evitat permezz tas-self ta’ dak l-antiċipu tas-surplus ta’ konformità, multiplikat b’1,1.