+Artikolu 7 Penali għall-persuni ġuridiċi
---+Artikolu 7 1.
---+Artikolu 7 2.
---+Artikolu 7 3.
---+Artikolu 7 4.

Artikolu 7 Penali għall-persuni ġuridiċi

1. Ħarsa ġenerali

,
Artikolu 7 1.
L-Istati Membri għandhom jieħdu l-miżuri meħtieġa biex jiżguraw li persuna ġuridika li tinżamm responsabbli skont l-Artikolu 6(1) jew (2) tkun punibbli b’pieni jew miżuri kriminali jew mhux kriminali li jkunu effettivi, proporzjonati u dissważivi.
Artikolu 7 2.

L-Istati Membri għandhom jieħdu l-miżuri meħtieġa biex jiżguraw li l-pieni jew miżuri għall-persuni ġuridiċi li jinżammu responsabbli skont l-Artikolu 6(1) jew (2) għar-reati kriminali msemmija fl-Artikoli 3 u 4 għandhom jinkludu multi kriminali jew mhux kriminali u jistgħu jinkludu pieni jew miżuri oħra kriminali jew mhux kriminali, bħal:

(a) 

obbligu li:

(i) 

jirrestawraw l-ambjent f’perjodu speċifiku, jekk il-ħsara tkun riversibbli, jew

(ii) 

iħallsu kumpens għall-ħsara lill-ambjent, jekk il-ħsara tkun irriversibbli jew jekk it-trasgressur ma jkollux il-kapaċità li jwettaq tali restawr;

(b) 

esklużjoni mid-dritt għall-benefiċċji pubbliċi jew għall-għajnuna pubblika;

(c) 

esklużjoni mill-aċċess għal finanzjament pubbliku, inklużi proċeduri ta’ akkwist, għotjiet, konċessjonijiet u liċenzji;

(d) 

skwalifika temporanja jew permanenti mill-prattika ta’ attivitajiet kummerċjali;

(e) 

irtirar ta’ permessi u awtorizzazzjonijiet għall-eżerċitar ta’ attivitajiet li jkunu rriżultaw fir-reat kriminali rilevanti;

(f) 

tqegħid taħt superviżjoni ġudizzjarja;

(g) 

stralċ ġudizzjarju;

(h) 

għeluq tal-istabbilimenti użati għat-twettiq tar-reat;

(i) 

obbligu li jistabbilixxi skemi ta’ diliġenza dovuta għat-titjib tal-konformità mal-istandards ambjentali;

(j) 

meta jkun hemm interess pubbliku, il-pubblikazzjoni tat-totalità jew ta’ parti tad-deċiżjoni ġudizzjarja relatata mar-reat kriminali mwettaq u l-penali jew il-miżuri imposti, mingħajr preġudizzju għar-regoli dwar il-privatezza u l-protezzjoni tad-data personali.
Artikolu 7 3.

L-Istati Membri għandhom jieħdu l-miżuri meħtieġa biex jiżguraw li, tal-inqas għall-persuni ġuridiċi li jinżammu responsabbli skont l-Artikolu 6(1), ir-reati kriminali koperti mill-Artikolu 3(2) ikunu punibbli b’multi kriminali jew mhux kriminali, li l-ammont tagħhom għandu jkun proporzjonat għall-gravità tal-imġiba u għaċ-ċirkostanzi individwali, finanzjarji u oħrajn tal-persuna ġuridika kkonċernata. L-Istati Membri għandhom jieħdu l-miżuri meħtieġa biex jiżguraw li l-livell massimu ta’ tali multi ma jkunx inqas minn:

(a) 

għar-reati kriminali koperti mill-Artikolu 3(2), il-punti (a) sa (l), u il-punti (p), (s), u (t):

(i) 

5 % tal-fatturat dinji totali tal-persuna ġuridika, jew fis-sena finanzjarja ta’ qabel dik li fiha jkun twettaq ir-reat, jew inkella fis-sena finanzjarja ta’ qabel dik tad-deċiżjoni li tiġi imposta l-multa, jew

(ii) 

ammont li jikkorrispondi għal EUR 40 000 000 ;

(b) 

għar-reati kriminali koperti mill-Artikolu 3(2), il-punti (m), (n), (o), (q) u (r):

(i) 

3 % tal-fatturat dinji totali tal-persuna ġuridika, jew fis-sena kummerċjali ta’ qabel dik li fiha jkun twettaq ir-reat, jew inkella fis-sena kummerċjali ta’ qabel dik tad-deċiżjoni li tiġi imposta l-multa, jew

(ii) 

ammont li jikkorrispondi għal EUR 24 000 000 .

L-Istati Membri jistgħu jistabbilixu regoli għall-każijiet fejn ma jkunx possibbli li l-ammont tal-multa jiġi ddeterminat fuq il-bażi tal-fatturat dinji totali tal-persuna ġuridika fis-sena finanzjarja ta’ qabel dik li fiha jkun twettaq ir-reat, jew fis-sena finanzjarja ta’ qabel dik tad-deċiżjoni li tiġi imposta multa.
Artikolu 7 4.
L-Istati Membri għandhom jieħdu l-miżuri meħtieġa biex jiżguraw li l-persuni ġuridiċi li jinżammu responsabbli skont l-Artikolu 6 għar-reati kriminali koperti mill-Artikolu 3(3) ikunu punibbli b’pieni jew miżuri kriminali jew penali jew miżuri mhux kriminali aktar ħorox minn dawk applikabli għar-reati kriminali koperti mill-Artikolu 3(2).

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards
  • Builddate: 30.04.2024 00:00:00 -Doknr: CELEX:32024L1203
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.