14. Jiġi stabbilit Bord tat-Tmexxija tan-Network bl-għan li tiġi żgurata governanza xierqa fuq l-eżekuzzjoni tal-funzjonijiet tan-network.
Il-Bord tat-Tmexxija tan-Network għandu jkun responsabbli għal:
|
(a)
|
l-approvazzjoni tal-miżuri meħuda jew proposti mill-Maniġer tan-Network f’konformità mal-att ta’ implimentazzjoni msemmi fil-paragrafu 15;
|
|
(b)
|
l-approvazzjoni tal-ispeċifikazzjonijiet għall-konsultazzjoni u l-arranġamenti dettaljati ta’ ħidma msemmija fil-paragrafi 12 u 13;
|
|
(c)
|
l-approvazzjoni tal-NOP;
|
|
(d)
|
l-approvazzjoni tal-NSP, wara konsultazzjoni u b’kont meħud tal-opinjoni tal-Istati Membri, u qabel ma jiġi approvat mill-Kummissjoni;
|
|
(e)
|
il-monitoraġġ tal-implimentazzjoni tal-funzjonijiet tan-network u l-għoti ta’ opinjonijiet jew rakkomandazzjonijiet dwar kwistjonijiet speċifiċi; u
|
|
(f)
|
kwalunkwe miżura oħra meħtieġa għall-eżekuzzjoni tal-mekkaniżmi ta’ governanza.
|
L-approvazzjoni mill-Kummissjoni tal-NSP għandha tieħu l-forma ta’ att ta’ implimentazzjoni. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 48(3).
Il-Bord tat-Tmexxija tan-Network għandu jkollu membri bid-dritt tal-vot kif ukoll mingħajru. Huwa għandu jkun magħmul mir-rappreżentanti tal-partijiet ikkonċernati operazzjonali, mir-rappreżentanti tal-Kummissjoni, mir-rappreżentanti tal-Maniġer tan-Network u mir-rappreżentanti tal-Eurocontrol.