Artikolu 48 Sistemi ta' ritorn u ta' ġbir

1.   L-Istati Membri għandhom jiżguraw li jiġu stabbiliti sistemi u infrastrutturi li jipprevedu r-ritorn u l-ġbir separat tal-iskart kollu mill-imballaġġ mill-utenti finali sabiex jiġi żgurat li jiġi ttrattat f'konformità mal-Artikoli 4, 10 u 13 tad-Direttiva 2008/98/KE, u biex tiġi ffaċilitata t-tħejjija tiegħu għall-użu mill-ġdid u għar-riċiklaġġ ta' kwalità għolja.

L-imballaġġ li jikkonforma mal-kriterji tad-disinn għar-riċiklaġġ kif stabbilit fl-atti delegati adottati skont l-Artikolu 6(4) ta' dan ir-Regolament għandu jinġabar għar-riċiklaġġ. L-inċinerazzjoni u r-rimi f'landfills ta’ tali imballaġġ għandhom jiġu pprojbiti, bl-eċċezzjoni ta' skart li jirriżulta minn operazzjonijiet ta' trattament sussegwenti ta' skart mill-imballaġġ miġbur separatament li għalih ir-riċiklaġġ ma jkunx fattibbli jew ma jwassalx għall-aħjar eżitu ambjentali.

2.   Sabiex jiffaċilitaw r-riċiklaġġ ta' kwalità għolja, l-Istati Membri għandhom jiżguraw li jkun hemm fis-seħħ sistemi u infrastrutturi għall-ġbir u għas-separazzjoni komprensivi biex jiffaċilitaw ir-riċiklaġġ u jiżguraw li dik il-materja prima tal-plastik hija disponibbli għar-riċiklaġġ. Tali sistemi u infrastrutturi jistgħu jipprovdu aċċess prijoritarju għal materjal riċiklat għall-użu f'applikazzjonijiet fejn il-kwalità distinta tal-materjal riċiklat tiġi ppreservata jew irkuprata b'tali mod li tkun tista' tiġi riċiklata aktar u użata bl-istess mod u għal applikazzjoni simili b'telf minimu ta' kwantità, kwalità jew funzjoni.

3.   L-Istati Membri jistgħu jidderogaw mill-obbligu ta' ritorn u ta' ġbir separat tal-iskart fil-paragrafu 1 ta' dan l-Artikolu għal ċerti formati ta' skart, dment li l-ġbir tal-frazzjonijiet ta’ skart mill-imballaġġ flimkien, jew il-ġbir tal-iskart mill-imballaġġ jew frazzjonijiet ta' tali skart mill-imballaġġ flimkien ma' skart ieħor, ma jaffettwax il-kapaċità li imballaġġ bħal dan jew frazzjonijiet tal-iskart mill-imballaġġ ikunu soġġetti għall-preparazzjoni għall-użu mill-ġdid, għar-riċiklaġġ jew għal operazzjonijiet oħra ta' rkupru f'konformità mal-Artikoli 4 u 13 tad-Direttiva 2008/98/KE u jiġġenera output minn dawk l-operazzjonijiet li huwa ta' kwalità komparabbli għal dak miksub permezz tal-ġbir separat.

4.   L-Istati Membri jistgħu jiżguraw li l-iskart mill-imballaġġ li ma jinġabarx separatament jiġi separat qabel l-operazzjonijiet ta' rimi jew ta' rkupru tal-enerġija biex jitneħħa l-imballaġġ iddisinjat għar-riċiklaġġ.

5.   Is-sistemi u l-infrastrutturi msemmija fil-paragrafu 1 għandhom:

6.   L-Istati Membri jistgħu jipprevedu s-sistemi pubbliċi għall-immaniġġar tal-iskart biex jipparteċipaw fl-organizzazzjoni tas-sistemi msemmija fil-paragrafu 1.

7.   L-Istati Membri għandhom jieħdu miżuri biex jippromwovu r-riċiklaġġ tal-iskart mill-imballaġġ li jissodisfa l-istandards tal-kwalità għall-użu tal-materjali riċiklati f'setturi rilevanti.