Artikolu 36 3

(a)

is-settijiet tad-data li jkun fihom data elettronika dwar is-saħħa u strutturi ta’ definizzjoni, bħal oqsma tad-data u gruppi ta’ data għar-rappreżentazzjoni tal-kontenut kliniku u partijiet oħra tad-data elettronika dwar is-saħħa;

(b)

is-sistemi u valuri ta’ kodifikazzjoni li jridu jintużaw f’settijiet tad-data li jkun fihom data elettronika dwar is-saħħa, li jqisu kemm il-futur potenzjali tal-armonizzazzjoni tat-teknoloġiji kif ukoll il-kompatibbiltà mat-terminoloġiji nazzjonali eżistenti;

(c)

ir-rekwiżiti oħrajn relatati mal-kwalità tad-data, bħall-kompletezza u l-akkuratezza tad-data elettronika dwar is-saħħa;

(d)

l-ispeċifikazzjonijiet tekniċi, standards u profili għall-iskambju ta’ data elettronika dwar is-saħħa;

(e)

ir-rekwiżiti u l-prinċipji relatati mas-sikurezza tal-pazjent u s-sigurtà, il-kunfidenzjalità, l-integrità u l-protezzjoni tad-data elettronika dwar is-saħħa;

(f)

l-ispeċifikazzjonijiet u r-rekwiżiti relatati mal-ġestjoni tal-identifikazzjoni u mal-użu tal-identifikazzjoni elettronika.