Artikolu 10 Qafas għall-ġestjoni komprensiva tar-riskji

1.   Operatur ta’ SIPS għandu jistabilixxi u jżomm qafas ta’ ġestjoni tar-riskju b’saħħtu li jidentifika, ikejjel, iżomm monitoraġġ u jiġġestixxi l-firxa sħiħa tar-riskji li joriġinaw minn jew huma jew jaqgħu fuq is-SIPS. Huwa għandu jeżamina l-qafas ta’ ġestjoni tar-riskju mill-inqas kull sena. Il-qafas ta’ ġestjoni tar-riskju għandu:

2.   Operatur ta’ SIPS għandu jipprovdi inċentivi lil parteċipanti u, fejn rilevanti, llil-klijenti tagħhom biex jiġġestixxu u jillimitaw ir-riskji li jimponu lil u jġorru mis-SIPS. Fir-rigward ta’ parteċipanti, inċentivi bħal dawn għandhom jinkludu sistema ta’ penali finanzjarji effettiva, proporzjonata u dissważiva jew arranġamenti ta’ kondiviżjoni tat-telf, jew it-tnejn.

3.   Operatur ta’ SIPS għandu jirrevedi r-riskji materjali li s-SIPS iġġorr minn u timponi fuq entitajiet oħra, inkluż, inter alia, IFM, banek tas-saldu, fornituri ta’ likwidità u fornituri tas-servizz, bħala riżultat tal-interdipendenzi mill-inqas kull sena. L-operatur ta’ SIPS għandu jiżviluppa għodod għall-ġestjoni tar-riskju li huma robusti u proporzjonati għal-livell tar-riskju identifikat.

4.   Operatur ta’ SIPS għandu jiddefinixxi l-funzjonijiet, l-operazzjonijiet u s-servizzi kritiċi tas-SIPS. L-operatur ta’ SIPS għandu jidentifika xenarji speċifiċi li jistgħu jipprevenuh milli jkun jista’ jipprovdi dawn l-operazzjonijiet kritiċi u servizzi bħala negozju avvjat u għandu jevalwa l-effettività tal-opzjonijiet kollha għall-irkupru jew, bl-eċċezzjoni ta’ SIPS tal-Eurosistema, stralċ ordinat. Għandu jirrevedi l-operazzjonijiet u s-servizzi kritiċi mill-inqas kull sena. Abbażi ta’ din l-istima, operatur ta’ SIPS għandu jipprepara pjan vijabbli għall-irkupru tas-SIPS u, ħlief għas-SIPS tal-Eurosistema, stralċ ordinat. Il-pjan ta’ stralċ ordinat u ta’ rkupru għandhom jikkonsistu, inter alia, f’taqsira sostantiva tal-istrateġiji ewlenin ta’ rkupru u ta’ stralċ ordinat, stqarrija mill-ġdid tal-operazzjonijiet u s-servizzi kritiċi tas-SIPS, u deskrizzjoni tal-miżuri meħtieġa biex jimplimentaw l-istrateġiji prinċipali. Operatur ta’ SIPS għandu, fejn applikabbli, jipprovdi lill-awtoritajiet rilevanti bl-informazzjoni meħtieġa għall-finijiet tal-ippjanar tar-riżoluzzjoni.