Artikolu 22 3

(a)

jiżguraw li l-operatur ta’ SIPS jista’ jikkonforma mal-obbligi tiegħu li jirriżultaw minn dan ir-Regolament, liġijiet applikabbli oħra, rekwiżiti regolatorji u kuntratti;

(b)

jinkludu deskrizzjoni ċara u preċiża tal-funzjonijiet, l-operazzjonijiet u/jew is-servizzi esternalizzati, tal-funzjonijiet tal-fornitur ta’ servizz ta’ esternalizzazzjoni u wkoll tal-allokazzjoni tad-drittijiet u l-obbligi tal-partijiet għall-arranġamenti kuntrattwali;

(c)

jiżguraw id-drittijiet tal-awtorità kompetenti rilevanti li teżerċita s-setgħat tagħha skont l-Artikolu 29(1), il-punt (a), ta’ dan ir-Regolament u, fil-każ ta’ esternalizzazzjoni relatata mal-funzjonijiet, operazzjonijiet u/jew servizzi kritiċi tas-SIPS kif definiti fl-Artikolu 10(4), kif ukoll jiżguraw id-drittijiet tal-awtorità kompetenti rilevanti biex teżerċita s-setgħat tagħha taħt l-Artikolu 29(1), il-punti (b) u (c), ta’ dan ir-Regolament;

(d)

jispeċifikaw jekk is-subesternalizzazzjoni tal-funzjonijiet, l-operazzjonijiet u/jew is-servizzi kritiċi tas-SIPS hijiex permessa u l-kundizzjonijiet li japplikaw f’każijiet bħal dawn, u li għandhom jiżguraw il-konformità tal-operatur ta’ SIPS mar-rekwiżiti ta’ dan ir-Regolament;

(e)

jiżguraw id-dritt tal-operatur ta’ SIPS li jittermina l-arranġament kuntrattwali f’każ ta’ ksur sinifikanti ta’ liġijiet, regolamenti jew termini kuntrattwali u jekk il-konformità mar-rekwiżiti skont dan l-Artikolu ma tkunx tista’ tiġi żgurata.