4. Il-Kummissjoni għandha s-setgħa tadotta atti delegati skont l-Artikolu 31 biex temenda l-Anness I u, fejn xieraq, l-Artikolu 4 biex:
|
(a)
|
temenda l-kriterji ta' bijodegradabbiltà u l-metodi ta' ttestjar korrispondenti għall-aġenti tensjoattivi jew l-aġenti tensjoattivi li jinsabu fid-deterġenti;
|
|
(b)
|
tistabbilixxi l-kriterji ta' bijodegradabbiltà u metodi ta' ttestjar korrispondenti għal sustanzi organiċi miżjuda intenzjonalment għajr aġenti tensjoattivi; jew
|
|
(c)
|
tistabbilixxi eċċezzjonijiet li jawtorizzaw l-użu limitat fid-deterġenti ta' sustanzi organiċi speċifiċi li ma jikkonformawx mal-kriterji ta' bijodegradabbiltà stabbiliti f'konformità mal-punt (b), meta debitament ġustifikat.
|
Sat-23 ta’ Marzu 2029, il-Kummissjoni għandha tadotta atti delegati li jistabbilixxu kriterji ta' bijodegradabbiltà u metodi ta' ttestjar għar-riti u l-polimeri fir-riti.
Sat-23 ta’ Marzu 2031, il-Kummissjoni għandha tadotta atti delegati li jistabbilixxu kriterji ta' bijodegradabbiltà u metodi ta' ttestjar għal sustanzi organiċi miżjuda intenzjonalment f'konċentrazzjoni ta' mill-inqas 10 % w/w tal-massa totali ta' sustanzi, eskluż l-ilma, fid-deterġenti, għajr l-aġenti tensjoattivi, ir-riti u l-polimeri fir-riti.