Artikolu 6 Preservazzjoni tal-kontenut u data relatata

1.   Il-fornituri ta’ servizzi ta’ hosting għandhom jippreservaw kontenut terroristiku li jkun tneħħa jew li għalih ġie diżattivat l-aċċess bħala riżultat ta’ ordni ta’ tneħħija, jew ta’ miżuri speċifiċi skont l-Artikolu 3 jew 5, kif ukoll kwalunkwe data relatata mneħħija bħala konsegwenza tat-tneħħija ta’ tali kontenut terroristiku, li jkunu meħtieġa għal:

2.   Il-kontenut terroristiku u d-data relatata, kif imsemmija fil-paragrafu 1, għandhom jiġu ppreservati għal sitt xhur mit-tneħħija jew diżattivazzjoni. Il-kontenut terroristiku għandu, fuq talba mill-awtorità kompetenti jew qorti, jiġi ppreservat għal perijodu speċifikat ulterjuri biss jekk, u sakemm, ikun meħtieġ għal proċedimenti ta’ rieżami amministrattiv jew ta’ stħarriġ ġudizzjarju li jkunu għaddejjin, kif imsemmija fil-punt (a) tal-paragrafu 1.

3.   Il-fornituri ta’ servizzi ta’ hosting għandhom jiżguraw li l-kontenut terroristiku u d-data relatata ppreservati skont il-paragrafu 1 ikunu soġġetti għal salvagwardji tekniċi u organizzattivi adatti.

Dawk is-salvagwardji tekniċi u organizzattivi għandhom jiżguraw li l-kontenut terroristiku u d-data relatata ppreservati jiġu biss aċċessati u proċessati għall-finijiet imsemmija fil-paragrafu 1, u għandhom jiżguraw livell għoli ta’ sigurtà tad-data personali kkonċernata. Il-fornituri ta’ servizzi ta’ hosting għandhom jirrevedu u jaġġornaw dawk is-salvagwardji fejn meħtieġ.