Artikolu 16 Kooperazzjoni u rikonoxximent reċiproku

1.   Għall-finijiet li jsir TLPT fir-rigward ta’ entità finanzjarja li tipprovdi servizzi f’aktar minn Stat Membru wieħed, inkluż permezz ta’ fergħa, l-awtorità tat-TLPT tagħha għandha:

L-awtoritajiet tat-TLPT tal-Istati Membri ospitanti jistgħu, fi żmien 20 jum tax-xogħol minn meta jirċievu l-informazzjoni dwar twettiq futur ta’ TLPT, jew jesprimu l-interess tagħhom li jsegwu t-TLPT bħala osservaturi jew jassenjaw maniġer tat-testijiet biex jipparteċipa fit-TLPT. L-awtorità ewlenija tat-TLPT għandha tipprovdi lill-awtoritajiet kollha tat-TLPT li qed jaġixxu bħala osservaturi fit-TLPT bid-dokument tal-ispeċifikazzjoni tal-ambitu, ir-rapport ta’ sinteżi tat-test, il-pjan ta’ rimedju u l-attestazzjoni.

L-awtorità ewlenija tat-TLPT għandha tikkoordina l-awtoritajiet kollha tat-TLPT parteċipanti matul it-test u tadotta d-deċiżjonijiet kollha meħtieġa biex it-TLPT isir b’mod xieraq u effettiv. L-awtorità ewlenija tat-TLPT tista’ tistabbilixxi għadd massimu ta’ awtoritajiet tat-TLPT parteċipanti, fejn it-twettiq effiċjenti tat-TLPT jista’ inkella jiġi kompromess.

2.   Meta entità finanzjarja tuża l-istess fornitur intragrupp ta’ servizzi tal-ICT bħal entitajiet finanzjarji stabbiliti fi Stati Membri oħrajn, jew tappartjeni għal grupp u tikkondividi sistemi tal-ICT ma’ entitajiet finanzjarji tal-istess grupp stabbiliti fi Stati Membri oħrajn, l-awtorità tat-TLPT tal-entità finanzjarja għandha tikkuntattja lill-awtoritajiet tat-TLPT tal-entitajiet finanzjarji l-oħrajn li jużaw l-istess fornitur intragrupp ta’ servizzi tal-ICT jew jikkondividu sistemi tal-ICT bħala parti mill-grupp u tivvaluta magħhom il-fattibbiltà u l-adegwatezza tat-twettiq ta’ TLPT konġunt fir-rigward tagħhom. TLPT konġunt għandu jiġi ppreferut minn TLPT individwali meta dan jista’ jirriżulta fi tnaqqis tal-kostijiet u tar-riżorsi għall-entitajiet finanzjarji u għall-awtoritajiet tat-TLPT, dment li ma jiġux ippreġudikati s-solidità u l-effikaċja tal-ittestjar.

3.   Għall-finijiet tat-twettiq ta’ TLPT konġunt:

L-awtorità ewlenija tat-TLPT għandha tikkoordina l-awtoritajiet kollha tat-TLPT involuti fit-TLPT konġunt u tadotta d-deċiżjonijiet kollha meħtieġa biex it-TLPT konġunt isir b’mod għaqli u effettiv.

4.   Meta entità finanzjarja jkollha l-ħsieb li twettaq TLPT aggregat kif imsemmi fl-Artikolu 26(4) tar-Regolament (UE) 2022/2554 li possibbilment jinvolvi entitajiet finanzjarji stabbiliti fi Stati Membri oħrajn, l-awtorità tat-TLPT tagħha għandha tikkuntattja lill-awtoritajiet tat-TLPT tal-entitajiet finanzjarji l-oħrajn u tivvaluta magħhom il-fattibbiltà u l-adegwatezza tat-twettiq ta’ TLPT aggregat fir-rigward tagħhom f’konformità mal-Artikolu 26(4) tar-Regolament (UE) 2022/2554.

5.   Għall-finijiet li jsir TLPT aggregat kif imsemmi fl-Artikolu 26(4) tar-Regolament (UE) 2022/2554:

L-awtorità ewlenija tat-TLPT għandha tikkoordina l-awtoritajiet kollha tat-TLPT involuti fit-TLPT aggregat u tadotta d-deċiżjonijiet kollha meħtieġa biex it-TLPT aggregat isir b’mod għaqli u effettiv.

6.   Fir-rigward ta’ entità finanzjarja meħtieġa twettaq TLPT, meta l-awtorità tat-TLPT tagħha tkun differenti mill-awtorità kompetenti tagħha kif imsemmi fl-Artikolu 46 tar-Regolament (UE) 2022/2554, dawk l-awtoritajiet għandhom jikkondividu kwalunkwe informazzjoni rilevanti fir-rigward tal-kwistjonijiet kollha relatati mat-TLPT għall-finijiet tat-twettiq tat-TLPT jew biex iwettqu dmirijiethom f’konformità ma’ dak ir-Regolament.