Artikolu 5
Klassifikazzjoni mill-ġdid ta’ inċidenti kbar relatati mal-ICT
Meta, wara valutazzjoni ulterjuri, l-entità finanzjarja tikkonkludi li l-inċident relatat mal-ICT irrapportat qabel bħala kbir fl-ebda ħin ma jkun issodisfa l-kriterji ta’ klassifikazzjoni u l-livelli limiti stabbiliti fl-Artikolu 8 tar-Regolament Delegat (UE) 2024/1772, l-entità finanzjarja għandha tinnotifika lill-awtorità kompetenti li hija tkun ikklassifikat mill-ġdid l-inċident relatat mal-ICT minn kbir għal mhux kbir billi tipprovdi l-informazzjoni dwar dik il-klassifikazzjoni mill-ġdid fil-mudell stabbilit fl-Anness II ta’ dan ir-Regolament fir-rigward tal-oqsma “tip ta’ rapport” u “informazzjoni oħra”.