+Artikolu 320 Esklużjoni tat-telf
---+Artikolu 320 1.
---+Artikolu 320 2.
---+Artikolu 320 3.
|
Artikolu 320 Esklużjoni tat-telf
-
1. Ħarsa ġenerali
| Titlu |
Regolamentazzjoni |
|
Artikolu 320 1.
|
Istituzzjoni tista' titlob permess mill-awtorità kompetenti biex teskludi mill-kalkolu tat-telf annwali mir-riskju operazzjonali tagħha avvenimenti eċċezzjonali ta' riskju operazzjonali li ma jkunux għadhom rilevanti għall-profil tar-riskju tal-istituzzjoni, meta jkunu ssodisfati l-kundizzjonijiet kollha li ġejjin:
(a)
l-istituzzjoni tista' turi għas-sodisfazzjon tal-awtorità kompetenti li l-kawża tal-avveniment ta' riskju operazzjonali fl-oriġini ta' dak it-telf mir-riskju operazzjonali mhux ser jerġa' jseħħ;
(b)
it-telf nett aggregat tal-avveniment ta' riskju operazzjonali korrispondenti huwa wieħed minn dawn li ġejjin:
(i)
daqs jew jaqbżu l-10 % tat-telf medju annwali mir-riskju operazzjonali tal-istituzzjoni, ikkalkulat fuq l-aħħar 10 snin finanzjarji u bbażat fuq il-limitu msemmi fl-Artikolu 319(1), meta l-avveniment ta' telf mir-riskju operazzjonali jirreferi għal attivitajiet li għadhom parti mill-indikatur tan-negozju;
(ii)
relatat ma' avveniment ta' riskju operazzjonali li jirreferi għal attivitajiet divestiti mill-indikatur tan-negozju f'konformità mal-Artikolu 315(2);
(c)
it-telf mir-riskju operazzjonali kien fil-bażi ta' data dwar it-telf għal perjodu minimu ta' sena, sakemm it-telf mir-riskju operazzjonali ma jkunx relatat ma' attivitajiet divestiti mill-indikatur tan-negozju f'konformità mal-Artikolu 315(2).
Għall-finijiet tal-ewwel subparagrafu, il-punt (c), ta’ dan il-paragrafu il-perjodu minimu ta' sena għandu jibda mid-data li fiha l-avveniment ta' riskju operazzjonali, inkluż fis-sett ta' data dwar it-telf, l-ewwel sar akbar mil-limitu ta' materjalità previst fl-Artikolu 319(1).
|
|
Artikolu 320 2.
|
Istituzzjoni li titlob il-permess imsemmi fil-paragrafu 1 għandha tipprovdi lill-awtorità kompetenti b'ġustifikazzjonijiet iddokumentati għall-esklużjoni ta' avveniment ta' riskju operazzjonali eċċezzjonali, inkluż:
(a)
deskrizzjoni tal-avveniment ta' riskju operazzjonali;
(b)
prova li t-telf mill-avveniment ta' riskju operazzjonali jkun ogħla mil-limitu ta' materjalità għall-esklużjoni tat-telf imsemmi fil-paragrafu 1, il-punt (b)(i), inkluż id-data li fiha dak l-avveniment ta' riskju operazzjonali jsir akbar mil-limitu ta' materjalità;
(c)
id-data li fiha l-avveniment ta' riskju operazzjonali kkonċernat jiġi eskluż, meta jitqies il-perjodu minimu ta' żamma stabbilit fil-paragrafu 1, il-punt (c);
(d)
ir-raġuni għaliex l-avveniment ta' riskju operazzjonali ma għadux meqjus rilevanti għall-profil tar-riskju tal-istituzzjoni;
(e)
dimostrazzjoni li ma hemm l-ebda skopertura legali simili jew residwu u li l-avveniment ta' riskju operazzjonali li għandu jiġi eskluż ma għandu l-ebda rilevanza għal attivitajiet jew għal prodotti oħra;
(f)
rapporti tar-rieżami jew tal-validazzjoni indipendenti tal-istituzzjoni, li jikkonfermaw li l-avveniment ta' riskju operazzjonali ma għadux rilevanti u li ma hemm l-ebda skopertura legali simili jew residwu;
(g)
prova li l-korpi kompetenti tal-istituzzjoni, permezz tal-proċessi ta' approvazzjoni tal-istituzzjoni, ikunu approvaw it-talba għall-esklużjoni tal-avveniment ta' riskju operazzjonali u d-data ta' tali approvazzjoni;
(h)
l-impatt tal-esklużjoni tal-avveniment ta' riskju operazzjonali fuq it-telf annwali tar-riskju operazzjonali.
|
|
Artikolu 320 3.
|
L-EBA għandha tiżviluppa abbozzi ta' standards tekniċi regolatorji sabiex tispeċifika l-kundizzjonijiet li l-awtorità kompetenti għandha tivvaluta skont il-paragrafu 1, inkluż kif it-telf medju annwali mir-riskju operazzjonali għandu jiġi kkalkulat u kif l-ispeċifikazzjonijiet dwar l-informazzjoni li għandha tinġabar skont il-paragrafu 2 jew kwalunkwe informazzjoni oħra meqjusa neċessarja biex titwettaq il-valutazzjoni. L-EBA għandha tippreżenta dawk l-abbozzi ta' standards tekniċi regolatorji lill-Kummissjoni sal-10 ta’ Jannar 2027. Il-Kummissjoni tingħata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel subparagrafu ta' dan il-paragrafu f'konformità mal-Artikoli 10 sa 14 tar-Regolament (UE) Nru 1093/2010.
|
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
|