Indirizzati

Il-Linji Gwida huma indirizzati lil:

• a. awtoritajiet kompetenti kif definiti fl-Artikolu 4(2)(i) tar-Regolament (UE) Nru 1093/2010 (l-awtorità tal-EBA). Fir-rigward tal-kredituri u l-intermedjarji ta’ kreditu msemmija fid-definizzjoni ta' "Istituzzjonijiet” fil-paragrafu 17 li mhumiex istituzzjonijiet ta’ kreditu, istituzzjonijiet ta’ pagament jew istituzzjonijiet ta' flus elettroniċi kif imsemmija f’dik id-definizzjoni, il-Linji Gwida japplikaw sal-limitu li dawk l-awtoritajiet ġew nominati bħala kompetenti sabiex jiżguraw l-applikazzjoni u l-infurzar tad-dispożizzjonijiet tad-Direttiva 2014/17/UE li huma relatati magħhom dawn il-Linji Gwida; u
• b. istituzzjonijiet finanzjarji kif definiti fl-Artikolu 4(1) tar-Regolament (KE) Nru 1093/2010.

Destinatarji tar-rekwiżiti tal-informazzjoni

Irrispettivament minn jekk l-awtorità tal-EBA hijiex indirizzata jew le taħt il-paragrafu 15, fejn Stat Membru jkun innomina aktar minn awtorità waħda skont l-Artikolu 5 tad-Direttiva 2014/17/UE u waħda minnhom mhijiex awtorità tal-EBA, l-awtorità tal-EBA nnominata skont dak l-Artikolu għandha, mingħajr preġudizzju għall-arranġamenti nazzjonali adottati skont l-Artikolu 5(3) tad-Direttiva 2014/17/UE:

• a) tinforma mingħajr dewmien lill-awtorità l-oħra nnominata dwar dawn il-Linji Gwida u d-data ta’ applikazzjoni tagħhom;
• b) titlob bil-miktub lil dik l-awtorità sabiex tikkunsidra li tapplika dawn il-Linji Gwida;
• c) titlob bil-miktub lil dik l-awtorità biex tinforma lill-EBA jew inkella lill-awtorità tal-EBA fi żmien xahrejn min-notifika skont is-subparagrafu (a) jekk tkunx qed tapplika jew jekk għandhiex l-intenzjoni li tapplika dawn il-Linji Gwida; u
• d) fejn applikabbli, tibgħat mingħajr dewmien lill-EBA l-informazzjoni li tkun irċeviet skont is-subparagrafu (c).