Tranżazzjoni mhux strutturata biex tipprovdi appoġġ

Għall-finijiet tal-Artikolu 248 tar-Regolament (UE) Nru 575/2013, tranżazzjoni għandha titqies li mhijiex strutturata biex tipprovdi appoġġ fi kwalunkwe każ imsemmi fil-paragrafi 12 u 13, filwaqt li għandhom jitqiesu d-dispożizzjonijiet tal-paragrafu 19.

Soġġetta għall-paragrafu 25, fejn it-tranżazzjoni hija mwettqa minn istituzzjoni sponsor, it-tranżazzjoni għandha titqies bħala waħda mhux strutturata biex tipprovdi appoġġ jekk tissodisfa waħda mill-kundizzjonijiet li ġejjin:

• (a) hija mwettqa f’kundizzjonijiet ta’ distakkament, skont il-paragrafu 15; jew
• (b) hija mwettqa fuq kundizzjonijiet li huma aktar favorevoli għall-istituzzjoni sponsor milli għall-kundizzjonijiet ta’ distakkament.

Meta t-tranżazzjoni hija mwettqa minn istituzzjoni oriġinatriċi li ttrasferiet riskju ta’ kreditu sinifikanti assoċjat mal-iskoperturi sottostanti tat-titolizzazzjoni skont l-Artikolu 243 jew l-Artikolu 244 tar-Regolament (UE) Nru 575/2013, it-tranżazzjoni għandha titqies li mhijiex strutturata biex tipprovdi appoġġ jekk tissodisfa l-kundizzjonijiet li ġejjin:

• (a) it-tranżazzjoni tiġi esegwita:
• i. f’kundizzjonijiet ta’ distakkament, skont il-paragrafu 15; jew
• ii. fuq kundizzjonijiet li huma aktar favorevoli għall-istituzzjoni oriġinatriċi milli għall-kundizzjonijiet ta’ distakkament; u
• (b) jew (i) it-titolizzazzjoni tibqa’ tissodisfa l-kundizzjonijiet għat-trasferiment sinifikanti tar-riskju kif stipulat fl-Artikolu 243 tar-Regolament (UE) Nru 575/2013 jew, skont il-każ, fl-Artikolu 244 tar-Regolament, f’konformità ma’ dawn il-linji gwida u l-linji gwida EBA/GL/2014/05 dwar trasferiment sinifikanti tar-riskju, jew (ii) jekk tali kundizzjonijiet ma jibqgħux jiġu aktar sodisfatti, it-tranżazzjoni ma ġietx konkluża bil-għan li tnaqqas telf potenzjali jew attwali għall-investituri.

Jekk il-kundizzjonijiet għat-trasferiment sinifikanti tar-riskju ma jibqgħux jiġu ssodisfati, l-istituzzjoni oriġinatriċi għandha żżomm fondi proprji kontra l-iskoperturi titolizzati kollha, daqslikieku dawn ma kinux titolizzati.