5.2 Koordinazzjoni tal - attivitajiet u l - programm ta' eżami superviżorju

L- SEP tal - kulleġġ imsemmi fl - Artikolu 11 u fl - Artikolu 20 tar - Regolament ta' Implimentazzjoni tal - Kummissjoni (UE) 2016/99 għandu, fil - każ ta' fergħa sinifikanti ħafna, iqis l - eżitu tal - valutazzjoni tar - riskju ta' dik il - fergħa mwettqa skont it - Taqsima 5.1.

12

Meta l - valutazzjoni tar - riskju tal - fergħa tkun identifikat riskji sinifikanti għall - kapital, il - likwidità u l - finanzjament li l - fergħa hija jew tista' tkun esposta għal, u/jew riskji għall - vijabbiltà tal - istituzzjoni li jirriżultaw mill - fergħa, inkluż mill - governanza u l - kontrolli tar - riskju tal - fergħa, il - konklużjonijiet tal - valutazzjoni għandhom jagħtu informazzjoni dwar l - attivitajiet superviżorji ppjanati mis - superviżur konsolidanti u l - awtoritajiet tad - domiċilju u ospitanti li għandhom jiġu nnotati fl - SEP tal - kulleġġ.

Filwaqt li jiżviluppaw l - SEP tal - kulleġġ, is - superviżur konsolidanti u l - awtoritajiet kompetenti tad - domiċilju u ospitanti għandhom jiddiskutu l - allokazzjoni tax - xogħol u d - diviżjoni tal - kompiti għat - twettiq tal - attivitajiet superviżorji ppjanati dwar il - fergħa sinifikanti ħafna u għandhom jesploraw l - opportunitajiet għal uħud minn dawn l - attivitajiet li għandhom jitwettqu b'mod konġunt mill - awtoritajiet kompetenti tad - domiċilju u ospitanti.

Sabiex tiġi evitata duplikazzjoni tal - kompiti superviżorji u duplikazzjoni tat - talbiet ta' informazzjoni għall - istituzzjoni sorveljata dwar il - fergħa sinifikanti ħafna, meta jiżviluppaw l - SEP tal - kulleġġ, l - awtoritajiet kompetenti tad - domiċilju u ospitanti għandhom iqisu l - allokazzjoni xierqa tal - kompiti, kif speċifikat fit - Taqsima 5.8.