6.3.1.4 Direct and indirect costs

Sabiex jiġu kkalkolati l-LGDs realizzati, jenħtieġ li l-istituzzjonijiet jikkunsidraw l-ispejjeż materjali diretti u indiretti kollha relatati mal-proċess ta’ rkupru. Fejn xi spejjeż materjali diretti jew indiretti relatati mal-ġbir fuq l-iskoperturi u l-inadempjenza tal-kontroparti rispettiva jkunu ġew imġarrba qabel il-mument tal-inadempjenza, jenħtieġ li l-istituzzjonijiet jinkludu dawn l-ispejjeż fl-istima tal-LGD sakemm mill-inqas tiġi ssodisfata waħda mill-kundizzjonijiet li ġejjin:

• (a) dawn l-ispejjeż jiġu inklużi b’mod ċar fl-ammont pendenti tal-obbligu tal-kreditu fil-mument tal-inadempjenza;
• (b) dawn l-ispejjeż jiġu assoċjati mal-inadempjenza preċedenti tal-istess debitur, li ma tiġix ikkunsidrata bħala inadempjenza multipla, skont il-paragrafu 101.

Jenħtieġ li l-ispejjeż diretti jinkludu l-ispejjeż tas-servizzi tal-ġbir esternalizzati, l-ispejjeż legali, u l-ispejjeż tal-hedges u tal-assigurazzjonijiet u l-ispejjeż l-oħrajn kollha attribwibbli direttament għall-ġbir fuq skopertura speċifika. Jenħtieġ li l-istituzzjonijiet jikkunsidraw l-ispejjeż diretti kollha bħala materjali.

Jenħtieġ li l-ispejjeż indiretti jinkludu l-ispejjeż kollha li jiġu mit-tmexxija tal-proċessi ta’ rkupru tal-istituzzjoni, l-ispejjeż ġenerali tas-servizzi tal-ġbir esternalizzati mhux inklużi bħala spejjeż diretti, u l-ispejjeż l-oħrajn kollha relatati mal-ġbir fuq l-iskoperturi inadempjenti li ma jistgħux jiġu attribwiti direttament għall-ġbir fuq skopertura speċifika. Jenħtieġ li l-istituzzjonijiet, fl-istima tagħhom tal-ispejjeż indiretti, jinkludu perċentwal xieraq tal-ispejjeż kontinwi l-oħra, bħal spejjeż ġenerali tal-istituzzjonijiet relatati mal-proċessi ta’ rkupru, sakemm ma jkunux jistgħu juru li dawn l-ispejjeż ikunu materjali.

6.3.2 LGD medju fuq perjodu twil