7.3.4 Identifikazzjoni ta’ skoperturi bħala produttivi FBEs

Ladarba l - FBEs jiġu kklassifikati bħala produttivi, jew minħabba li jkunu ssodisfaw il - kundizzjonijiet biex jiġu kklassifikati mill - ġdid minn kategorija improduttiva jew minħabba li l - għoti ta’ miżuri ta’ tolleranza ma jwassalx għall - klassifikazzjoni ta’ skopertura bħala improduttiva, dawn għandhom ikomplu jiġu identifikati bħala mrażżna sakemm ikunu ġew issodisfati l - kundizzjonijiet kollha għas - sospensjoni tal - klassifikazzjoni ta’ skoperturi bħala mrażżna skont il - paragrafu 256 tal - Anness V tar - Regolament ta’ Implimentazzjoni tal - Kummissjoni (UE) Nru 680/2014.

Il - politika tal - istituzzjonijiet ta’ kreditu għall - identifikazzjoni tal - EFBEs għandha tispeċifika prattiċi għat - tneħħija tat - tħassib dwar id - diffikultajiet finanzjarji tal - mutwatarju. Il - politiki tal - istituzzjonijiet ta’ kreditu għandhom jeħtieġu li l - mutwatarju jkun ħallas, permezz ta’ pagamenti regolari, ammont daqs l - ammonti kollha (kapital u imgħax) li qabel kienu skaduti jew li r - rikonoxximent tagħhom ġie rtirat fil - mument tal - konċessjoni, jew biex b’xi mod ieħor juri l - kapaċità tiegħu li jikkonforma mal - kundizzjonijiet ta’ wara t - tolleranza taħt kriterji alternattivi oġġettivi li jinkludu ripagament tal - kapital.

Skont il - paragrafu 260 tal - Anness V tar - Regolament ta’ Implimentazzjoni tal - Kummissjoni (UE) Nru 680/2014, miżuri ta’ tolleranza ġodda mogħtija lil FBEs li ġew riklassifikati barra mill - kategorija improduttiva se jinvolvu l - klassifikazzjoni mill - ġdid ta’ dawn it - tranżazzjonijiet għall - kategorija improduttiva. L - istess għandu japplika meta dawn l - iskoperturi jsiru skaduti b’aktar minn 30 jum.