4.1 Kunsiderazzjonijiet ġenerali

L- awtoritajiet kompetenti jistgħu jeżentaw ditta ta’ investiment li tissodisfa l - kundizzjonijiet għall - kwalifika bħala ditta ta’ investiment żgħira u mhux interkonnessa kif stabbilit fl - Artikolu 12(1) tar- Regolament (UE) 2019/2033 mir- rekwiżiti ta’ likwidità stabbiliti fl - Artikolu 43(1) tar- Regolament (UE) 2019/2033 fejn ditta ta’ investiment tissodisfa l -kriterji għall - eżenzjoni stabbiliti f’dawn il -linji gwida.

Meta awtorità kompetenti tkun imponiet rekwiżiti ta’ likwidità speċifiċi skont l - Artikolu 42 tad-Direttiva (UE) 2019/2034 fuq ditta ta’ investiment, din id - ditta ta’ investiment tista’ tiġi eżentata mir - rekwiżiti ta’ likwidità biss meta din ma tibqax soġġetta għal tali rekwiżiti speċifiċi ta’ likwidità f’konformità mal -A rtikolu 42 tad-Direttiva (UE) 2019/2034.

L- awtoritajiet kompetenti għandhom jeżentaw ditta ta’ investiment mir - rekwiżiti ta’ likwidità skont l - Artikolu 43(1) tar- Regolament (UE) 2019/2033 biss abbażi ta’ talba għall - eżenzjoni minn ditta ta’ investiment. Fl imkien ma’ din it-talba, id-ditta ta’ investiment għandha tipprovdi l - informazzjoni kollha neċessarja biex l - awtorità kompetenti tivvaluta jekk ir- rekwiżiti ta’ dawn il - linji gwida humiex issodisfati. Dik l - informazzjoni għandha tinkludi deskrizzjoni tal -attività tad-ditta ta’ investiment u kif id-ditta ta’ investiment tissodisfa r - rekwiżiti għall - eżenzjoni.