7 Miżuri korrettivi tas - servizzjanti tal - kreditu

Jekk il - valutazzjoni jew ir - rivalutazzjoni tas - servizzjant tal - kreditu tikkonkludi li l - organu maniġerjali jew amministrattiv, b’mod kumplessiv, ma għandux kollettivament l - għarfien u l - esperjenza adegwati, is - servizzjant tal - kreditu jenħtieġ li jieħu miżuri korrettivi xierqa fil - ħin.

Il - miżuri korrettivi xierqa jistgħu jinkludu, iżda mhumiex limitati għal: l - aġġustament tar - responsabbiltajiet bejn il - membri; is - sostituzzjoni ta’ ċerti membri; ir - reklutaġġ ta’ membri addizzjonali; it - taħriġ ta’ membri individwali; jew it - taħriġ għall - organu maniġerjali b’mod kollettiv sabiex jiġu żgurati l - għarfien u l - esperjenza kollettivi adegwati tal - organu maniġerjali jew amministrattiv.

Jekk il - valutazzjoni jew ir - rivalutazzjoni tas - servizzjant tal - kreditu tidentifika nuqqasijiet fl - għarfien u l - esperjenza adegwati tal - organu maniġerjali jew amministrattiv li jistgħu jiġu rimedjati faċilment, is - servizzjant tal - kreditu jenħtieġ li jieħu miżuri korrettivi xierqa biex jegħleb dawk in - nuqqasijiet fil - ħin, inkluż, fejn rilevanti, permezz ta’ taħriġ xieraq tal - membri individwali (jew ta’ kollha).

Meta servizzjant tal - kreditu jkollu l - ħsieb li jitlob l - awtorizzazzjoni biex jibda l - attivitajiet tiegħu, tali miżuri jenħtieġ li jiġu implimentati qabel ma tintalab l - awtorizzazzjoni.

Fi kwalunkwe każ, l - awtoritajiet kompetenti għandhom ikunu infurmati mingħajr dewmien dwar kwalunkwe nuqqas materjali identifikat li jikkonċerna kwalunkwe membru tal - organu maniġerjali u l - kompożizzjoni kollettiva tal - organu maniġerjali. L - informazzjoni għandha tinkludi l - miżuri li ttieħdu jew li huma previsti sabiex jiġu rimedjati dawk in - nuqqasijiet u l - iskeda taż - żmien għall - implimentazzjoni tagħhom.