14. Funzjoni tal - ġestjoni tar -riskji

Fejn stabbilita, il - funzjoni tal - ġestjoni tar - riskju (RMF) għandha tkopri l -emittent kollu tal-ARTs. L- RMF għandu jkollha biżżejjed awtorità, statura u riżorsi, filwaqt li titqies il - proporzjonalità elenkati fit -Titolu I, biex timplimenta l - politiki tar -riskju u l- qafas ta’ ġestjoni tar - riskji kif stabbilit fit- Taqsima 11.

Il- RMF għandu jkollha, fejn meħtieġ, aċċess dirett għall - korp maniġerjali fil - funzjoni superviżorja tiegħu, fejn ikun ġie stabbilit.

L- RMF għandu jkollha aċċess għal - linji operatorji kollha u għal unitajiet interni oħra li għandhom il - potenzjal li jiġġeneraw riskji.

Il- persunal fi ħdan l - RMF għandu jkollu għarfien, ħiliet u esperjenza suffiċjenti fir - rigward ta’ tekniki u proċeduri għall - ġestjoni tar - riskji, kif ukoll swieq u prodotti, u għandu jkollu aċċess għal taħriġ regolari.

Fejn stabbilit, l - RMF għandha tkun karatteristika organizzazzjonali ċentrali tal -emittent tal-ARTs, strutturata b’tali mod sabiex tkun tista’ timplimenta politiki tar -riskju u tikkontrolla l-qafas tal - ġestjoni tar -riskji. L- RMF għandu jkollha rwol ewlieni fl- iżgurar li l -emittent tal-ARTs jkollu stabbiliti proċessi effettivi għall - ġestjoni tar -riskju. L- RMF għandha tkun involuta b’mod attiv fid - deċiżjonijiet kollha ta’ ġestjoni ta’ riskji materjali. Fejn applikabbli, fi grupp, l - RMF fl - impriża prinċipali ta l- Unjoni għandha tkun tista’ tagħti opinjoni olistika għall - grupp kollu dwar ir- riskji kollha u tiżgura li l - istrateġija tar - riskju tiġi rrispettata.

L- RMF għandha tipprovdi informazzjoni, analiżi u ġudizzju espert indipendenti u rilevanti dwar l- iskoperturi għar - riskju, parir dwar proposti u deċiżjonijiet dwar riskji li jittieħdu mil -linji operatorji jew mill - unitajiet interni, u għandha tgħarraf lill - korp maniġerjali dwar jekk humiex konsistenti mal- profil tar -riskju tal-emittent tal-ARTs. L- RMF tista’ tirrakkomanda titjib għall - qafas tal - ġestjoni tar - riskji u miżuri korrettivi għar - rimedju ta’ ksur ta’ politiki, proċeduri u ta’ limiti relatati mar-riskji.