Artikolu 1 Profil tar-riskju ġenerali u kumplessità

it-tip ta’ servizzi tal-ICT inklużi fl-arranġament kuntrattwali dwar l-użu ta’ servizzi tal-ICT li jappoġġaw funzjonijiet kritiċi jew importanti pprovduti minn fornituri terzi ta’ servizzi tal-ICT (l-“arranġament kuntrattwali”) bejn l-entità finanzjarja u l-fornitur terz ta’ servizzi tal-ICT;

il-post fejn huwa stabbilit il-fornitur terz ta’ servizzi tal-ICT jew il-kumpanija omm tiegħu;

jekk is-servizzi tal-ICT li jappoġġaw funzjonijiet kritiċi jew importanti humiex ipprovduti minn fornitur terz ta’ servizzi tal-ICT li jinsab fi Stat Membru jew f’pajjiż terz, filwaqt li jitqies ukoll il-post minn fejn jiġu pprovduti s-servizzi tal-ICT u l-post fejn id-data tiġi pproċessata u maħżuna;

in-natura tad-data kondiviża mal-fornitur terz ta’ servizzi tal-ICT;

jekk il-fornitur terz ta’ servizzi tal-ICT huwiex parti mill-istess grupp bħall-entità finanzjarja li lilha jiġu pprovduti s-servizzi;

l-użu ta’ fornituri terzi ta’ servizzi tal-ICT li huma kemm awtorizzati, irreġistrati jew soġġetti għal superviżjoni jew sorveljanza minn awtorità kompetenti fi Stat Membru jew soġġetti għall-qafas ta’ sorveljanza skont il-Kapitolu V, it-Taqsima II, tar-Regolament (UE) 2022/2554, kif ukoll ta’ dawk li ma humiex;

l-użu ta’ fornituri terzi ta’ servizzi tal-ICT li huma kemm awtorizzati, irreġistrati jew soġġetti għal superviżjoni jew sorveljanza minn awtorità superviżorja f’pajjiż terz, kif ukoll ta’ dawk li ma humiex;

jekk il-forniment ta’ servizzi tal-ICT li jappoġġaw funzjonijiet kritiċi jew importanti huwiex ikkonċentrat fuq fornitur terz uniku ta’ servizzi tal-ICT jew għadd żgħir ta’ tali fornituri ta’ servizzi;

it-trasferibbiltà tas-servizzi tal-ICT li jappoġġaw funzjonijiet kritiċi jew importanti lil fornitur terz ieħor ta’ servizzi tal-ICT, inkluż bħala riżultat tal-ispeċifiċitajiet tat-teknoloġija;

l-impatt potenzjali tat-tfixkil fil-forniment tas-servizzi tal-ICT li jappoġġaw funzjonijiet kritiċi jew importanti fuq il-kontinwità tal-attivitajiet tal-entità finanzjarja u fuq id-disponibbiltà tas-servizzi tagħha.