Artikolu 6 Il-kontenut ta’ notifika volontarja dwar theddid ċibernetiku sinifikanti

informazzjoni ġenerali dwar l-entità finanzjarja notifikanti kif stabbilit fl-Artikolu 1;

id-data u l-ħin tad-detezzjoni tat-theddida ċibernetika sinifikanti u kwalunkwe kronogramma rilevanti oħra relatata mat-theddida ċibernetika sinifikanti;

deskrizzjoni tat-theddida ċibernetika sinifikanti;

informazzjoni dwar l-impatt potenzjali tat-theddida ċibernetika sinifikanti fuq l-entità finanzjarja, il-klijenti tagħha, jew il-kontropartijiet finanzjarji;

il-kriterji ta’ klassifikazzjoni, li kienu jiskattaw ir-rapport ta’ inċident kbir, stabbiliti fl-Artikoli minn 1 sa 8 tar-Regolament Delegat (UE) 2024/1772 li kieku t-theddida ċibernetika seħħet;

informazzjoni dwar l-istatus tat-theddida ċibernetika sinifikanti u kwalunkwe bidla fl-attività tat-theddida;

fejn applikabbli, deskrizzjoni tal-azzjonijiet meħuda mill-entità finanzjarja biex tipprevjeni milli jseħħu theddidiet ċibernetiku sinifikanti;

informazzjoni dwar kwalunkwe notifika tat-theddida ċibernetika sinifikanti lil entitajiet jew awtoritajiet finanzjarji oħra;

fejn applikabbli, informazzjoni dwar indikaturi ta’ kompromess;

fejn disponibbli, kwalunkwe informazzjoni rilevanti oħra.