1. L-Istati Membri jistgħu jiddeċiedu li jeżentaw, kompletament jew parzjalment, klabbs tal-futbol professjonali li jipparteċipaw fl-ogħla diviżjoni tal-kampjonat tal-futbol nazzjonali u li għandhom fatturat annwali totali ta’ inqas minn EUR 5 000 000 , jew l-ekwivalenti fil-munita nazzjonali, għal kull waħda mis-sentejn kalendarji preċedenti mir-rekwiżiti stabbiliti f’dan ir-Regolament abbażi tar-riskju baxx ippruvat li jirriżulta min-natura u l-iskala tal-operat ta’ tali klabbs tal-futbol professjonali.
L-Istati Membri jistgħu jiddeċiedu li jeżentaw, kompletament jew parzjalment, klabbs tal-futbol professjonali li jipparteċipaw f’diviżjoni aktar baxxa mill-ogħla diviżjoni tal-kampjonat tal-futbol nazzjonali mir-rekwiżiti stabbiliti f’dan ir-Regolament abbażi ta’ riskju baxx ippruvat maħluq min-natura u l-iskala tal-operat ta’ tali klabbs tal-futbol professjonali.