Airteagal 52 (a)

(i)

an cur chuige a úsáideann an institiúid chun an mhainneachtain a shamhaltú a shainaithint, agus a fhíorú go ngabhann an dá chineál fachtóirí riosca córasacha arna roghnú ag an institiúid na héifeachtaí córasacha is ábhartha;

(ii)

maidir le gráinneacht an dá chineál fachtóirí riosca córasacha, a fhíorú cé acu atá nó nach bhfuil sí leordhóthanach chun saintréithe na n-eisitheoirí sa phunann a ghabháil faoi réir na gceanglas cistí dílse maidir le riosca mainneachtana;

(iii)

a fhíorú, i gcás gach eisitheora, cé acu a úsáideann nó nach n-úsáideann an institiúid fachtóir riosca neamhghnách ar leithligh i dteannta an dá chineál fachtóirí riosca córasacha dá dtagraítear in Airteagal 325bp(1) de Rialachán (AE) Uimh. 575/2013;

(iv)

maidir le mapáil na n-eisitheoirí ar na fachtóirí riosca córasacha iomchuí, a fhíorú cé acu atá nó nach bhfuil sí fónta;

(v)

a fhíorú cé acu a dhéanann nó nach ndéanann an institiúid anailís ar chumhacht mhíniúcháin na samhla riosca;

(vi)

le linn dóibh an sampla a iarraidh chun críoch an mheasúnaithe, breithniú a dhéanamh ar ábharthacht na n-eisitheoirí, agus a áirithiú go gcuimsítear leis an sampla eisitheoirí a rinneadh a mhapáil ar fhachtóirí riosca córasacha éagsúla;