Airteagal 52 Measúnú ar chomhlíontacht le ceanglais áirithe

i ndáil le samhaltú na mainneachtana le haghaidh eisitheoirí aonaracha chomh maith le heisitheoirí iolracha de réir mar a cheanglaítear le hAirteagal 325bp(1) de Rialachán (AE) Uimh. 575/2013:

i ndáil leis an gceanglas a bhaineann leis an timthriall eacnamaíoch a léiriú sa tsamhail inmheánach maidir le riosca mainneachtana de réir mar a cheanglaítear le hAirteagal 325bp(2) de Rialachán (AE) Uimh. 575/2013, measúnú a dhéanamh ar an gcaoi a ndéantar samhaltú na gcaillteanas i gcás mainneachtana, lena n-áirítear caillteanais stocastacha, le haghaidh na gcaillteanas sin i gcás mainneachtana chun athruithe ar na saintréithe arna nglacadh ag na fachtóirí riosca córasacha a léiriú;

i ndáil leis an gceanglas a bhaineann le neamhlíneacht a ghabháil de réir mar a cheanglaítear le hAirteagal 325bp(3) de Rialachán (AE) Uimh. 575/2013, measúnú a dhéanamh ar an méid seo a leanas:

i ndáil leis an gceanglas a bhaineann le samhail inmheánach maidir le riosca mainneachtana a bheith ann atá i gcomhréir leis an mbainistíocht riosca inmheánach de réir mar a cheanglaítear le hAirteagal 325bp(9) de Rialachán (AE) Uimh. 575/2013, a fhíorú cé acu a rinne nó nach ndearna an institiúid doiciméadú ar na difríochtaí idir an tsamhail inmheánach maidir le riosca mainneachtana agus na samhlacha a úsáideann an institiúid le haghaidh a bainistíochta riosca inmheánaí i ndáil leis an raon feidhme céanna suíomhanna, agus cé acu is féidir nó nach féidir leis an institiúid na difríochtaí sin a mhíniú.

Chun críocha phointe (a)(i), déanfaidh na húdaráis inniúla measúnú ar an réasúnaíocht a sholáthraítear i mbeartais inmheánacha na hinstitiúide maidir le rogha na bhfachtóirí riosca córasacha, agus maidir lena léiriú eacnamaíoch.

Chun críocha phointe (a)(iii), féadfaidh na húdaráis inniúla, i gcás inarb iomchuí, a fhíorú maidir le sampla d’eisitheoirí comhchosúla go bhfuil difríocht sna fachtóirí riosca neamhghnácha.

Chun críocha phointe (a)(iv), féadfaidh na húdaráis inniúla, i gcás inarb iomchuí, a fhíorú maidir le sampla d’eisitheoirí go bhfuil an mhapáil ceart.

Chun críocha phointe (a)(v), féadfaidh na húdaráis inniúla, i gcás inarb iomchuí agus i gcás inarb amhlaidh nach bhfuil na hanailísí arna ndéanamh ag an institiúid leordhóthanach don phunann faoi réir riosca mainneachtana mar atá sé faoi láthair, é a cheangal ar an institiúid, ar shampla d’eisitheoirí, measúnú a dhéanamh ar chumhacht na bhfachtóirí riosca córasacha arna roghnú ag an institiúid chun spreagthaí mhainneachtain na sócmhainne ag gach eisitheoir a mhíniú.

Chun críocha phointe (b), féadfaidh na húdaráis inniúla, i gcás inarb iomchuí, anailísí staidrimh a dhéanamh ar shampla d’eisitheoirí, lena n-áirítear tástáil hipitéise, chun spleáchas na gcaillteanas i gcás mainneachtana ar na fachtóirí riosca córasacha a thástáil.