Airteagal 7 Measúnú riosca ar leibhéal an Aontais

1.   Déanfaidh an Coimisiún measúnú ar na rioscaí a bhaineann le sciúradh airgid agus maoiniú na sceimhlitheoireachta agus an riosca nach gcuirfí pionóis airgeadais spriocdhírithe chun feidhme nó go ndéanfaí iad a sheachaint a mbeadh éifeacht acu ar an margadh inmheánach agus a bhaineann le gníomhaíochtaí trasteorann.

2.   Faoin 10 Iúil 2028, déanfaidh an Coimisiún,, tuarascáil a tharraingt suas lena ndéanfar na rioscaí sin ar leibhéal an Aontais a shainaithint, a anailísiú agus a mheasúnú. Déanfaidh an Coimisiún an tuarascáil sin a thabhairt cothrom le dáta gach 4 bliana, ina dhiaidh sin,. Féadfaidh an Coimisiún codanna den tuarascáil a thabhairt cothrom le dáta níos minice ná sin, más iomchuí.

I gcás ina sainaithneoidh an Coimisiún rioscaí nua, agus a thuarascáil á tabhairt cothrom le dáta aige, féadfaidh sé a mholadh do na Ballstáit féachaint an bhféadfaí a measúnuithe riosca náisiúnta a thabhairt cothrom le dáta, nó measúnuithe riosca earnála a dhéanamh, de bhun Airteagal 8 chun na rioscaí sin a mheasúnú.

Déanfar an tuarascáil dá dtagraítear sa chéad fhomhír a chur ar fáil go poiblí, seachas na codanna sin ina bhfuil faisnéis rúnaicmithe.

3.   Cumhdófar sa tuarascáil dá dtagraítear i mír 1 an méid seo a leanas ar a laghad:

4.   Déanfaidh an Coimisiún moltaí do na Ballstáit maidir leis na bearta atá oiriúnach chun aghaidh a thabhairt ar na rioscaí sainaitheanta. I gcás ina gcinnfidh na Ballstáit gan aon cheann de na moltaí a chur i bhfeidhm ina réimeas náisiúnta AML/CFT, tabharfaidh siad fógra ina leith sin don Choimisiún agus cuirfidh siad réasúnú mionsonraithe ar fáil ina dtabharfaidh siad na cúiseanna atá acu leis an gcinneadh sin.

5.   Faoin 10 Iúil 2030 agus gach 2 bhliain ina dhiaidh sin, eiseoidh AMLA, i gcomhréir le hAirteagal 55 de Rialachán (AE) 2024/1620, tuairim don Choimisiún maidir leis na rioscaí a bhaineann le sciúradh airgid agus maoiniú na sceimhlitheoireachta a bhfuil éifeacht acu ar an Aontas. Féadfaidh AMLA tuairimí nó nuashonruithe ar a thuairimí roimhe sin a eisiúint níos minice ná sin, i gcás ina measann sé gurb iomchuí déanamh amhlaidh. Na tuairimí arna n-eisiúint ag AMLA cuirfear ar fáil go poiblí iad, seachas na codanna sin ina bhfuil faisnéis rúnaicmithe.

6.   Agus an measúnú dá dtagraítear i mír 1 á dhéanamh aige, déanfaidh an Coimisiún an obair a eagrú ar leibhéal an Aontais, cuirfidh sé na tuairimí dá dtagraítear i mír 5 san áireamh agus déanfaidh sé go mbeidh baint leis ag saineolaithe na mBallstát i réimse AML/CFT, ionadaithe ó údaráis mhaoirseachta náisiúnta agus ó FIUnna, AMLA agus comhlachtaí eile ar leibhéal an Aontais, agus, i gcás inarb iomchuí, páirtithe leasmhara eile.

7.   Laistigh de 2 bhliain tar éis ghlacadh na tuarascála dá dtagraítear i mír 2, agus gach 4 bliana ina dhiaidh sin, cuirfidh an Coimisiún tuarascáil faoi bhráid Pharlaimint na hEorpa agus na Comhairle maidir leis na gníomhartha a rinneadh bunaithe ar thorthaí na tuarascála sin.