+Airteagal 36 Athbhreithniú agus tuairisciú

Airteagal 36 Athbhreithniú agus tuairisciú

Airteagal 36

Athbhreithniú agus tuairisciú

▼M2 —————

►M2 Faoin 26 Iúil 2031, agus gach 5 bliana ina dhiaidh sin, cuirfidh an Coimisiún tuarascáil faoi bhráid Pharlaimint na hEorpa agus na Comhairle maidir le cur chun feidhme na Treorach seo agus maidir lena héifeachtacht agus lena héifeachtúlacht i ndáil lena cuspóirí a bhaint amach, go háirithe i dtaobh aghaidh a thabhairt ar dhrochthionchair. Beidh togra reachtach ag gabháil leis an tuarascáil, más iomchuí. Déanfar measúnú sa chéad tuarascáil, inter alia, ar na saincheisteanna seo a leanas: ◄

(a)

tionchair na Treorach seo ar FBManna, mar aon le measúnú ar éifeachtacht na mbeart agus na n-uirlisí éagsúla le haghaidh tacaíochta arna soláthar do FBManna ag an gCoimisiún agus ag na Ballstáit;

(b)

raon feidhme na Treorach seo i dtéarmaí na gcuideachtaí a chumhdaítear, cibé acu a áirithítear léi éifeachtacht na Treorach seo i bhfianaise a cuspóirí, cothrom iomaíochta idir eintitis a chumhdaítear agus nach féidir le cuideachtaí teacht timpeall ar chur i bhfeidhm na Treorach seo, lena n-áirítear:

—

cibé acu is gá Airteagal 3(1), pointe (a) a athbhreithniú ionas go gcumhdófar leis an Treoir seo eintitis atá comhdhéanta mar fhoirmeacha dlíthiúla atá éagsúil leo siúd a liostaítear in Iarscríbhinn I nó Iarscríbhinn II a ghabhann le Treoir 2013/34/AE;

—

cibé acu is gá samhlacha gnó nó cineálacha comhair eacnamaíoch le cuideachtaí tríú páirtí seachas iad sin a chumhdaítear le hAirteagal 2 a chur san áireamh i raon feidhme na Treorach seo;

▼M2

—

i dtaobh an gá athbhreithniú a dhéanamh ar na tairseacha maidir leis an láimhdeachas ábhartha agus, i gcás cuideachtaí a fhoirmítear i gcomhréir le reachtaíocht Ballstáit, líon na bhfostaithe a leagtar síos in Airteagal 2 agus i dtaobh an gá cur chuige earnáilsonrach a thabhairt isteach in earnálacha ardriosca, agus, go háirithe, i dtaobh ar cheart cuideachtaí ag a bhfuil láimhdeachas ábhartha ar mó é ná EUR 450 000 000 agus, i gcás cuideachtaí a fhoirmítear i gcomhréir le reachtaíocht Ballstáit, ag a bhfuil níos mó ná 1 000 fostaí ar an meán le linn na bliana airgeadais agus, sa bhreis air sin, cuideachtaí atá ag feidhmiú in earnálacha ardriosca a chumhdach leis an Treoir seo;

▼B

—

cibé acu an gá nó nach gá athbhreithniú a dhéanamh ar chritéar an ghlanláimhdeachais arna ghiniúint san Aontas a leagtar síos in Airteagal 2(2);

(c)

cibé acu is gá an sainmhíniú ar “slabhra gníomhaíochtaí” a athbhreithniú;

(d)

cibé acu is gá an Iarscríbhinn a ghabhann leis an Treoir seo a mhodhnú, lena n-áirítear i bhfianaise forbairtí idirnáisiúnta, agus ar cheart í a leathnú chun drochthionchair bhreise a chumhdach, go háirithe drochthionchair ar dhea-rialachas;

▼M2 —————

▼M2

(f)

éifeachtacht shásraí forfheidhmiúcháin arna gcur i bhfeidhm ar an leibhéal náisiúnta, lena n-áirítear a n-éifeachtaí cosantacha ar shealbhóirí ceart;

▼B

(g)

cibé acu is gá athruithe ar leibhéal comhchuibhithe na Treorach seo chun cothrom na Féinne a áirithiú do chuideachtaí sa mhargadh inmheánach, lena n-áirítear cóineasú agus éagsúlacht idir forálacha an dlí náisiúnta lena dtrasuitear an Treoir seo.

1. Forbhreathnú

Teideal	Rialáil

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais
Foinse	Ceanglas

3. Caighdeáin ghaolmhara

Caighdeáin
Foinse	Ceanglas

Builddate: 18.03.2026 00:00:00 -Doknr: CELEX:32024L1760
EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.