+Airteagal 81 Comhairle a thabhairt maidir le cripteashócmhainní agus bainistiú punainne cripteashócmhainní a sholáthar
---+Airteagal 81 1.
---+Airteagal 81 2.
---+Airteagal 81 3.
---+Airteagal 81 4.
---+Airteagal 81 5.
---+Airteagal 81 6.
---+Airteagal 81 7.
---+Airteagal 81 8.
---+Airteagal 81 9.
---+Airteagal 81 10.
---+Airteagal 81 11.
---+Airteagal 81 12.
---+Airteagal 81 13.
---+Airteagal 81 14.
---+Airteagal 81 15.

Airteagal 81 Comhairle a thabhairt maidir le cripteashócmhainní agus bainistiú punainne cripteashócmhainní a sholáthar

1. Forbhreathnú

,
Airteagal 81 1.
Déanfaidh soláthraithe seirbhísí cripteashócmhainní a thugann comhairle maidir le cripteashócmhainní nó a sholáthraíonn bainistiú punainne cripteashócmhainní measúnú i dtaobh an bhfuil na seirbhísí cripteashócmhainní nó na cripteashócmhainní oiriúnach dá gcliaint nó dá gcliaint ionchasacha, ag tabhairt aird ar a gcuid eolais agus taithí maidir le hinfheistíocht a dhéanamh i gcripteashócmhainní, a gcuspóirí infheistíochta, lena n-áirítear lamháltas riosca, agus a staid airgeadais, lena n-áirítear a gcumas caillteanais a iompar.
Airteagal 81 2.

Cuirfidh soláthraithe seirbhísí cripteashócmhainní a thugann comhairle maidir le cripteashócmhainní, in am trátha sula dtabharfaidh siad comhairle maidir le cripteashócmhainní, cliaint ionchasacha ar an eolas maidir leis an méid seo a leanas:

(a) 

cibé an soláthraítear nó nach soláthraítear an chomhairle ar bhonn neamhspleách;

(b) 

cibé an bhfuil sí bunaithe ar anailís leathan nó ar anailís níos srianta ar chripteashócmhainní éagsúla, lena n-áirítear i dtaobh an bhfuil an chomhairle teoranta do chripteashócmhainní arna n-eisiúint nó arna dtairiscint ag eintitis a bhfuil dlúthnaisc acu leis an soláthraí seirbhísí cripteashócmhainní nó le haon chaidreamh dlíthiúil nó eacnamaíoch eile, amhail caidrimh chonarthacha, a d’fhéadfadh dochar a dhéanamh do neamhspleáchas na comhairle a sholáthraítear.
Airteagal 81 3.

I gcás ina gcuireann soláthraí seirbhísí cripteashócmhainní a thugann comhairle maidir le cripteashócmhainní in iúl don chliant ionchasach go soláthraítear comhairle ar bhonn neamhspleách, déanfaidh sé an méid seo a leanas:

(a) 

measúnú ar raon leordhóthanach cripteashócmhainní atá ar fáil ar an margadh agus nach mór a bheith éagsúil go leor chun a áirithiú gur féidir cuspóirí infheistíochta an chliaint a bhaint amach go hiomchuí agus nár cheart a bheith teoranta do chripteashócmhainní a eisíonn nó a sholáthraíonn:

(i) 

an soláthraí seirbhísí cripteashócmhainní céanna sin;

(ii) 

eintitis a bhfuil dlúthnaisc acu leis an soláthraí seirbhísí cripteashócmhainní céanna sin; nó

(iii) 

eintitis eile a bhfuil dlúthchaidrimh dhlíthiúla nó eacnamaíocha ag an soláthraí seirbhísí cripteashócmhainní céanna sin leo, amhail caidreamh conarthach, a d’fhéadfadh dochar a dhéanamh do bhunús neamhspleách na comhairle a thugtar;

(b) 

gan glacadh le táillí, coimisiúin ná aon sochair airgeadaíochta nó neamhairgeadaíochta arna n-íoc nó arna soláthar ag aon tríú páirtí nó ag duine atá ag gníomhú thar ceann tríú páirtí i ndáil leis an tseirbhís a sholáthar do chliaint, agus gan na táillí, coimisiúin ná sochair sin a choinneáil.

D’ainneoin phointe (b) den chéad fhomhír, ceadófar mionsochair neamhairgeadaíochta atá in ann cáilíocht na seirbhísí cripteashócmhainní a sholáthraítear do chliant a fheabhsú agus atá de scála agus de chineál nach gcuireann siad isteach ar chomhlíonadh oibleagáid an tsoláthraí seirbhísí cripteashócmhainní gníomhú chun leasa a chliaint i gcásanna ina nochtar go soiléir iad don chliant.
Airteagal 81 4.
Soláthróidh soláthraithe seirbhísí cripteashócmhainní a thugann comhairle maidir le cripteashócmhainní faisnéis do chliaint ionchasacha freisin maidir leis na costais agus na muirir ghaolmhara uile, lena n-áirítear costas na comhairle, i gcás inarb infheidhme, costas na gcripteashócmhainní a mholtar nó a mhargaítear don chliant agus conas a cheadaítear don chliant íoc as na cripteashócmhainní, lena gcuimsítear aon íocaíochtaí tríú páirtí freisin.
Airteagal 81 5.
Ní ghlacfaidh ná ní choimeádfaidh soláthraithe seirbhísí cripteashócmhainní a sholáthraíonn bainistiú punainne cripteashócmhainní táillí, coimisiúin ná aon sochair airgeadaíochta nó neamhairgeadaíochta arna n-íoc nó arna soláthar ag eisitheoir, tairgeoir, duine a bhfuil ligean isteach chun trádála á iarraidh aige, nó aon tríú páirtí, nó duine a ghníomhaíonn thar ceann tríú páirtí, i ndáil le bainistiú punainne cripteashócmhainní a sholáthar dá gcliaint.
Airteagal 81 6.

I gcás ina gcuireann soláthraí seirbhísí cripteashócmhainní in iúl do chliant ionchasach nach soláthraíonn sé comhairle ar bhonn neamhspleách, féadfaidh an soláthraí sin aslaigh a fháil faoi réir na gcoinníollacha seo a leanas:

(a) 

go bhfuil an íocaíocht nó an sochar deartha chun cáilíocht na seirbhíse ábhartha a fheabhsú don chliant; agus

(b) 

nach gcuireann an íocaíocht ná an sochar isteach ar chomhlíonadh na hoibleagáide atá ar sholáthraí seirbhísí cripteashócmhainní gníomhú ar bhealach macánta, cothrom agus gairmiúil i gcomhréir le leasanna a chliant.

Déanfar láithreacht, cineál agus méid na híocaíochta nó an tsochair dá dtagraítear i mír 4, nó, i gcás nach féidir an méid a fhionnadh, an modh chun an méid sin a ríomh, a nochtadh go soiléir don chliant, ar bhealach atá cuimsitheach, cruinn agus intuigthe, sula soláthrófar an tseirbhís cripteashócmhainní ábhartha.
Airteagal 81 7.
Áiritheoidh soláthraithe seirbhísí cripteashócmhainní a thugann comhairle maidir le cripteashócmhainní go bhfuil an t-eolas agus an inniúlacht is gá ag daoine nádúrtha a thugann comhairle nó faisnéis faoi chripteashócmhainní, ar a son, chun a n-oibleagáidí a chomhlíonadh. Foilseoidh na Ballstáit na critéir a bheidh le húsáid chun measúnú a dhéanamh ar eolas agus inniúlacht den sórt sin.
Airteagal 81 8.
Chun críocha an mheasúnaithe oiriúnachta dá dtagraítear i mír 1, gheobhaidh soláthraithe seirbhísí cripteashócmhainní a thugann comhairle maidir le cripteashócmhainní nó a sholáthraíonn bainistiú punainne cripteashócmhainní an fhaisnéis is gá óna gcliaint nó óna gcliaint ionchasacha maidir lena n-eolas agus a dtaithí ar infheistiú, lena n-áirítear i gcripteashócmhainní, a gcuspóirí infheistíochta, lena n-áirítear lamháltas riosca, a staid airgeadais lena n-áirítear a gcumas caillteanais a iompar agus a mbuntuiscint ar na rioscaí a bhaineann le cripteashócmhainní a cheannach, ionas go gcuirfear ar chumas soláthraithe seirbhísí cripteashócmhainní a mholadh do chliaint nó do chliaint ionchasacha i dtaobh an bhfuil nó nach bhfuil na cripteashócmhainní oiriúnach dóibh agus, go háirithe, an bhfuil siad i gcomhréir lena lamháltas riosca agus lena gcumas caillteanais a iompar.
Airteagal 81 9.

Tabharfaidh soláthraithe seirbhísí cripteashócmhainní a thugann comhairle maidir le cripteashócmhainní nó a sholáthraíonn bainistiú punainne cripteashócmhainní rabhadh do chliaint nó do chliaint ionchasacha maidir leis an méid seo a leanas:

(a) 

d’fhéadfadh luach cripteashócmhainní athrú;

(b) 

d’fhéadfadh na cripteashócmhainní a bheith faoi réir caillteanais iomlána nó pháirteacha;

(c) 

d’fhéadfadh sé nach cripteashócmhainní leachtacha iad na cripteashócmhainní;

(d) 

i gcás inarb infheidhme, ní chumhdaítear na cripteashócmhainní leis na scéimeanna cúitimh d’infheisteoirí faoi Threoir 97/9/CE;

(e) 

ní chumhdaítear na cripteashócmhainní leis na scéimeanna ráthaithe taiscí faoi Threoir 2014/49/AE.
Airteagal 81 10.
Déanfaidh soláthraithe seirbhísí cripteashócmhainní a thugann comhairle maidir le cripteashócmhainní nó a sholáthraíonn bainistiú punainne cripteashócmhainní beartais agus nósanna imeachta a bhunú, a choimeád ar bun agus a chur chun feidhme chun a chur ar a gcumas an fhaisnéis uile is gá a bhailiú agus a mheasúnú chun an measúnú dá dtagraítear i mír 1 a dhéanamh do gach cliant. Déanfaidh siad gach beart réasúnach chun a áirithiú go mbeidh an fhaisnéis a bhaileofar faoina gcliaint nó faoina gcliaint ionchasacha iontaofa.
Airteagal 81 11.
I gcás nach soláthraíonn cliaint an fhaisnéis is gá de bhun mhír 8, nó i gcás ina measann soláthraithe seirbhísí cripteashócmhainní a thugann comhairle maidir le cripteashócmhainní nó a sholáthraíonn bainistiú punainne cripteashócmhainní nach bhfuil na seirbhísí cripteashócmhainní ná na cripteashócmhainní oiriúnach dá gcliaint, ní mholfaidh siad seirbhísí cripteashócmhainní ná cripteashócmhainní den sórt sin, ná ní chuirfidh siad tús le bainistiú punainne na gcripteashócmhainní sin a sholáthar.
Airteagal 81 12.
Déanfaidh soláthraithe seirbhísí cripteashócmhainní a thugann comhairle maidir le cripteashócmhainní nó a sholáthraíonn bainistiú punainne cripteashócmhainní athbhreithniú tráthrialta i leith gach cliaint ar an measúnú oiriúnachta dá dtagraítear i mír 1 gach dhá bhliain ar a laghad tar éis an mheasúnaithe tosaigh arna dhéanamh i gcomhréir leis an mír sin.
Airteagal 81 13.

A luaithe a dhéanfar an measúnú oiriúnachta dá dtagraítear i mír 1 nó an t-athbhreithniú air faoi mhír 12, cuirfidh soláthraithe seirbhísí cripteashócmhainní a thugann comhairle maidir le cripteashócmhainní tuarascáil ar oiriúnacht ar fáil do chliaint lena sonraítear an chomhairle a tugadh agus conas a chomhlíonann an chomhairle sin roghanna, cuspóirí agus saintréithe eile na gcliant. Is i bhformáid leictreonach a dhéanfar an tuairisc agus a chuirfear in iúl do chliaint í. Sa tuairisc sin, ar a laghad:

(a) 

áireofar faisnéis nuashonraithe maidir leis an measúnú dá dtagraítear i mír 1; agus

(b) 

soláthrófar achoimre ar an gcomhairle a tugadh.

Léireofar go soiléir sa tuarascáil ar oiriúnacht dá dtagraítear sa chéad fhomhír go bhfuil an chomhairle bunaithe ar eolas agus taithí an chliaint maidir le hinfheistíocht a dhéanamh i gcripteashócmhainní, ar chuspóirí infheistíochta, lamháltas riosca, staid airgeadais an chliaint agus ar chumas an chliaint caillteanais a iompar.
Airteagal 81 14.
Soláthróidh soláthraithe seirbhísí cripteashócmhainní a sholáthraíonn bainistiú punainne cripteashócmhainní ráitis thréimhsiúla dá gcliaint, i bhformáid leictreonach, maidir leis na gníomhaíochtaí bainistithe punainne a dhéantar thar a gceann. Sna ráitis thréimhsiúla sin beidh athbhreithniú cóir agus cothrom ar na gníomhaíochtaí a rinneadh agus ar fheidhmiú na punainne le linn na tréimhse tuairiscithe, ráiteas nuashonraithe maidir leis an gcaoi a gcomhlíonann na gníomhaíochtaí a rinneadh roghanna, cuspóirí agus saintréithe eile an chliaint, chomh maith le faisnéis nuashonraithe maidir leis an measúnú oiriúnachta dá dtagraítear i mír 1 nó a athbhreithniú faoi mhír 12.

Soláthrófar an ráiteas tréimhsiúil dá dtagraítear sa chéad fhomhír den mhír seo gach 3 mhí, ach amháin i gcásanna ina bhfuil rochtain ag cliant ar chóras ar líne inar féidir rochtain a fháil ar luachálacha cothrom le dáta ar phunann an chliaint agus ar fhaisnéis nuashonraithe maidir leis an measúnú oiriúnachta dá dtagraítear i mír 1, agus ina bhfuil fianaise ag an soláthraí seirbhísí cripteashócmhainní go bhfuair an cliant rochtain ar luacháil uair amháin ar a laghad le linn na ráithe ábhartha. Measfar gur formáid leictreonach é an córas ar líne sin.
Airteagal 81 15.

Déanfaidh ÚEUM, faoin 30 Nollaig 2024, treoirlínte a eisiúint i gcomhréir le hAirteagal 16 de Rialachán (AE) Uimh. 1095/2010 lena sonraítear an méid seo a leanas:

▼C1

(a) 

na critéir chun measúnú a dhéanamh ar eolas agus inniúlacht i gcomhréir le mír 7;

▼B

(b) 

an fhaisnéis dá dtagraítear i mír 8; agus

(c) 

formáid an ráitis thréimhsiúil dá dtagraítear i mír 14.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.