Airteagal 8 Cur i bhfeidhm eisceachtúil formhuirear miondíola chun seirbhísí fánaíochta miondíola rialáilte a thomhailt agus taraifí malartacha a sholáthar

1.   Gan dochar don tríú fomhír, i gcás ina gcuireann soláthraí seirbhísí fánaíochta formhuirear i bhfeidhm maidir le tomhaltas seirbhísí fánaíochta miondíola rialáilte atá sa bhreis ar aon teorainneacha a shocraítear leis an mbeartas maidir le húsáid chóir, comhlíonfaidh sé na ceanglais seo a leanas, gan CBL a áireamh:

Maidir leis an gcéad fhomhír, pointe (b), den mhír seo, i gcás ina gcinnfidh an Coimisiún, tar éis dó athbhreithniú a dhéanamh ar an ngníomh tarmligthe arna ghlacadh de bhun Airteagal 75(1) de Threoir (AE) 2018/1972, nach bhfuil gá a thuilleadh le ráta foirceanta uile-Aontais do ghuthghlaonna a shocrú agus i gcás ina gcinnfidh sé gan uasráta foirceanta do ghuthghlaonna a fhorchur, ní rachaidh aon fhormhuirear a chuirfear i bhfeidhm le haghaidh glaonna fánaíochta rialáilte a fhaightear thar an ráta a shocraítear leis an ngníomh tarmligthe is déanaí arna ghlacadh de bhun Airteagal 75 den Treoir sin.

Ní chuirfidh soláthraithe seirbhísí fánaíochta aon fhormhuirear i bhfeidhm maidir le teachtaireacht SMS fánaíochta rialáilte nó teachtaireacht ghlórphoist fánaíochta a gheofar. Ní dochar an méid sin d’aon mhuirir eile is infheidhme, amhail muirir chun éisteacht le teachtaireachtaí den sórt sin.

Déanfaidh soláthraithe seirbhísí fánaíochta muirear a ghearradh ar ghlaonna fánaíochta a dhéantar agus a fhaightear in aghaidh an tsoicind. Féadfaidh na soláthraithe seirbhísí fánaíochta tréimhse íosta muirir tosaigh nach mó ná 30 soicind a chur i bhfeidhm maidir le glaonna a dhéantar. Gearrfaidh soláthraithe seirbhísí fánaíochta muirear ar a gcustaiméirí as seirbhís fánaíochta rialáilte a sholáthar ar bhonn ráta in aghaidh an chilibhirt, seachas teachtaireachtaí MMS a bhféadfar muirear a ghearradh ina leith in aghaidh an aonaid. I gcás den sórt sin, an muirear fánaíochta miondíola a fhéadfaidh soláthraí seirbhísí fánaíochta a thobhach ar a chustaiméir seirbhísí fánaíochta as teachtaireacht MMS fánaíochta a tharchur nó a fháil, ní rachaidh sé thar an muirear uasta fánaíochta miondíola a leagtar amach do sheirbhísí fánaíochta sonraí rialáilte sa chéad fhomhír.

2.   Féadfaidh soláthraithe seirbhísí fánaíochta taraif fánaíochta a thairiscint seachas ceann a leagtar amach i gcomhréir le hAirteagal 4, Airteagal 5 agus Airteagal 6 agus mír 1 den Airteagal seo, agus féadfaidh custaiméirí seirbhísí fánaíochta an taraif fánaíochta sin a roghnú d’aon ghnó, chun go mbainfidh custaiméirí seirbhísí fánaíochta leas as taraif dhifriúil ar sheirbhís fánaíochta rialáilte seachas an ceann a thabharfaí dóibh mura mbeadh rogha den sórt ann. Cuirfidh an soláthraí seirbhísí fánaíochta i gcuimhne do na custaiméirí seirbhísí fánaíochta sin cineál na mbuntáistí ar sheirbhísí fánaíochta a chaillfí dá ndéanfaí amhlaidh.

Gan dochar don chéad fhomhír, cuirfidh soláthraithe seirbhísí fánaíochta taraif a shocraítear i gcomhréir le hAirteagal 4 agus Airteagal 5, agus le mír 1 den Airteagal seo, i bhfeidhm go huathoibríoch maidir leis na custaiméirí seirbhísí fánaíochta ar fad atá ann cheana agus atá nua.

Féadfaidh aon chustaiméir seirbhísí fánaíochta a iarraidh, tráth ar bith, go n-athrófaí go dtí nó ón taraif a shocraítear i gcomhréir le hAirteagal 4, Airteagal 5 agus Airteagal 6 agus le mír 1 den Airteagal seo. I gcás custaiméirí seirbhísí fánaíochta a dhéanann an rogha athrú d’aon ghnó chuig taraif a shocraítear i gcomhréir le hAirteagal 4, Airteagal 5 agus Airteagal 6 agus le mír 1 den Airteagal seo nó athrú ar ais chuig an taraif sin, déanfar aon athrú laistigh de lá amháin oibre tar éis an iarraidh a fháil agus déanfar é saor in aisce agus ní bheidh coinníollacha ná srianta ag gabháil leis maidir le gnéithe eile de na síntiúis seachas fánaíocht. Féadfaidh soláthraithe seirbhísí fánaíochta moill a chur ar athrú go dtí go mbeidh an taraif fánaíochta a bhí ann roimhe sin i bhfeidhm ar feadh tréimhse íosta sonraithe nach rachaidh thar 2 mhí.

3.   Gan dochar do Chuid III, Teideal III, de Threoir (AE) 2018/1972, áiritheoidh soláthraithe seirbhísí fánaíochta go sonrófar i gconradh miondíola ina n-áirítear seirbhís fánaíochta miondíola rialáilte d’aon chineál saintréithe na seirbhíse fánaíochta miondíola rialáilte sin a sholáthraítear, lena n-áirítear go háirithe:

4.   Áiritheoidh soláthraithe seirbhísí fánaíochta go soláthrófar i gconradh miondíola ina n-áirítear seirbhísí fánaíochta miondíola rialáilte d’aon chineál faisnéis faoi na cineálacha seirbhísí a d’fhéadfadh a bheith faoi réir muirir mhéadaithe agus fánaíocht á déanamh, gan dochar d’Airteagal 97 de Threoir (AE) 2018/1972.

5.   Foilseoidh soláthraithe seirbhísí fánaíochta an fhaisnéis dá dtagraítear i mír 3 agus mír 4.

Ina theannta sin, foilseoidh soláthraithe seirbhísí fánaíochta faisnéis faoi na cúiseanna a bhféadfaí an tseirbhís fánaíochta a thairiscint faoi choinníollacha nach bhfuil chomh tairbheach leo siúd a thairgtear sa bhaile. Áireofar san fhaisnéis sin tosca a bhféadfaidh tionchar a bheith acu ar cháilíocht na seirbhíse fánaíochta a bhfuil síntiús ag an gcustaiméir seirbhísí fánaíochta ina leith, amhail glúnta agus teicneolaíochtaí líonra atá ar fáil don chustaiméir fánaíochta i mBallstát a bhfuil cuairt á tabhairt air.

6.   Chun cur i bhfeidhm comhsheasmhach an Airteagail seo a áirithiú, faoin 1 Eanáir 2023, tar éis dó dul i gcomhairle le geallsealbhóirí agus i ndlúthchomhar leis an gCoimisiún, déanfaidh BEREC nuashonrú ar a threoirlínte fánaíochta miondíola, go háirithe maidir le cur chun feidhme an Airteagail seo agus na mbeart trédhearcachta dá dtagraítear in Airteagal 13, Airteagal 14 agus Airteagal 15.