Airteagal 6 Úinéireacht agus úsáid sócmhainní

1.   Beidh an tAontas ina úinéir ar na sócmhainní inláimhsithe agus doláimhsithe go léir ar cuid iad den bhonneagar rialtais arna fhorbairt faoin gClár, dá dtagraítear in Airteagail 5(2) agus 19(10), cé is moite de bhonneagar trastíre EuroQCI, a bheidh faoi úinéireacht na mBallstát. Chuige sin, áiritheoidh an Coimisiún go mbeidh forálacha lena n-áirithítear úinéireacht an Aontais ar na sócmhainní sin sna conarthaí, comhaontuithe agus socruithe eile a bhaineann le gníomhaíochtaí a bhféadfaí sócmhainní den sórt sin a chruthú nó a fhorbairt dá mbarr.

2.   Áiritheoidh an Coimisiún go mbeidh na cearta seo a leanas ag an Aontas:

3.   Féachfaidh an Coimisiún le conarthaí, comhaontuithe nó socruithe eile a thabhairt i gcrích le tríú páirtithe, lena n-áirítear na conraitheoirí dá dtagraítear in Airteagal 19, maidir leis an méid seo a leanas:

4.   Nuair is cearta maoine intleachtúla iad na sócmhainní dá dtagraítear i míreanna 1, 2 agus 3, bainisteoidh an Coimisiún na cearta sin ar an mbealach is éifeachtaí is féidir, agus aird á tabhairt ar an méid seo a leanas:

5.   Áiritheoidh an Coimisiún, i gcás inarb iomchuí, go n-áireofar sna conarthaí, comhaontuithe agus socruithe ábhartha eile go bhféadfar na cearta maoine intleachtúla sin a aistriú chuig tríú páirtithe nó ceadúnais tríú páirtithe a dheonú lena n-aghaidh, lena n-áirítear do chruthaitheoir na maoine intleachtúla, agus gur féidir leis na tríú páirtithe sin tairbhiú de na cearta sin gan srian i gcás inar gá chun a gcúraimí faoin Rialachán seo a dhéanamh.