6. Ní fhéadfar soláthraí CLF, SFA, SSA, SManna nó seirbhísí aerthráchta le haghaidh rialú aeradróim nó rialú ascnaimh a roghnú agus más iomchuí, a ainmniú chun seirbhísí a sholáthar i mBallstát ach amháin mar thoradh ar sholáthar de bhun mhír 1, 2 nó 3, ar an gcoinníoll go gcomhlíonann sé na coinníollacha carnacha seo a leanas:
|
(a)
|
beidh deimhniú bailí aige de bhun Airteagal 41 de Rialachán (AE) 2018/1139 nó beidh dearbhú bailí aige de bhun Airteagal 41(5) de Rialachán (AE) 2018/1139, gan dochar d’Airteagal 7(4) den Rialachán seo;
|
|
(b)
|
beidh a phríomháit ghnó suite ar chríoch Ballstáit;
|
|
(c)
|
beidh níos mó ná 50 % de faoi úinéireacht na mBallstát nó náisiúnach de chuid na mBallstát agus beidh sé á rialú go héifeachtach acu, bíodh sin go díreach nó go hindíreach trí ghnóthas idirmheánach amháin nó níos mó, ach amháin mar a fhoráiltear i gcomhaontú le tríú tír ar páirtí ann an tAontas; agus
|
|
(d)
|
comhlíonfaidh sé na ceanglais slándála agus chosanta náisiúnta.
|
De mhaolú ar an mhír seo, aon soláthraí seirbhísí satailíte domhanda ar tugadh deimhniú dó de bhun Airteagal 41 de Rialachán (AE) 2018/1139 chun seirbhísí a sholáthar san Aontas roimh theacht i bhfeidhm an Rialacháin seo, féadfar é a roghnú chun seirbhísí a sholáthar san Aontas fiú mura gcomhlíonann sé na coinníollacha a leagtar amach i bpointí (b) agus (c).