Airteagal 19 2

(a)

cur chun feidhme na gceart agus na n-oibleagáidí dá bhforáiltear sa Chaibidil seo agus i gCaibidil III a áirithiú trí na réitigh riachtanacha theicniúla náisiúnta, réigiúnacha nó áitiúla a ghlacadh agus trí rialacha agus sásraí ábhartha a bhunú;

(b)

a áirithiú go gcuirfear faisnéis iomlán agus cothrom le dáta maidir le cur chun feidhme na gceart agus na n-oibleagáidí dá bhforáiltear sa Chaibidil seo agus i gCaibidil III ar fáil go héasca do dhaoine nádúrtha, do ghairmithe sláinte agus do sholáthraithe cúraim sláinte;

(c)

i gcur chun feidhme na réiteach teicniúil dá dtagraítear i bpointe (a) den mhír seo, lena n-áirithítear go gcomhlíonann na réitigh theicniúla sin an Chaibidil seo agus Caibidil III agus Iarscríbhinn II;

(d)

rannchuidiú, ar leibhéal an Aontais, le réitigh theicniúla a fhorbairt lena gcuirfear ar chumas daoine nádúrtha agus gairmithe sláinte a gcearta a fheidhmiú agus a n-oibleagáidí a leagtar amach sa Chaibidil seo a chomhlíonadh;

(e)

daoine faoi mhíchumas a éascú a gcearta faoin gCaibidil seo a fheidhmiú i gcomhréir le Treoir (AE) 2019/882 ó Pharlaimint na hEorpa agus ón gComhairle (31);

(f)

na pointí teagmhála náisiúnta um shláinte dhigiteach a mhaoirsiú agus oibriú i gcomhar le húdaráis sláinte digití eile agus leis an gCoimisiún maidir le forbairt bhreise a dhéanamh ar MoShláinte@AE (MyHealth@EU);

(g)

a áirithiú go gcuirfear chun feidhme ar an leibhéal náisiúnta formáid malartaithe Eorpach na ríomhthaifead sláinte, i gcomhar leis na húdaráis náisiúnta agus leis na geallsealbhóirí;

(h)

rannchuidiú ar leibhéal an Aontais le forbairt a dhéanamh ar fhormáid malartaithe Eorpach na ríomhthaifead sláinte, le forbairt sonraíochtaí comhchoiteanna i gcomhréir le hAirteagal 36, lena dtabharfar aghaidh ar ábhair imní a bhaineann le cáilíocht, idir-inoibritheacht, slándáil, sábháilteacht, éascaíocht úsáide, inrochtaineacht, neamh-idirdhealú nó cearta bunúsacha agus le forbairt shonraíochtaí bhunachar sonraí an Aontais chun córais RTS agus na feidhmchláir folláine dá dtagraítear in Airteagal 49 a chlárú;

(i)

i gcás inarb infheidhme, gníomhaíochtaí faireachais margaidh a dhéanamh i gcomhréir le hAirteagal 43, agus a áirithiú ag an am céanna go seachnófar aon choinbhleachtaí leasa;

(j)

acmhainneacht náisiúnta a fhorbairt chun ceanglais a bhaineann le hidir-inoibritheacht agus slándáil sonraí leictreonacha sláinte le haghaidh úsáid phríomhúil a chur chun feidhme agus páirt a ghlacadh i malartuithe faisnéise agus i ngníomhaíochtaí forbartha acmhainne ar leibhéal an Aontais;

(k)

oibriú i gcomhar le húdaráis faireachais margaidh, páirt a ghlacadh sna gníomhaíochtaí a bhaineann le rioscaí a bhaineann le córais RTS agus teagmhais thromchúiseacha a láimhseáil agus maoirseacht a dhéanamh ar chur chun feidhme gníomhaíocht cheartaitheach i gcomhréir le hAirteagal 44;

(l)

oibriú i gcomhar le heintitis agus comhlachtaí ábhartha eile ar an leibhéal áitiúil, réigiúnach, náisiúnta nó ar leibhéal an Aontais, chun idir-inoibritheacht, iniomparthacht agus slándáil sonraí leictreonacha sláinte a áirithiú;

(m)

oibriú i gcomhar le húdaráis mhaoirseachta i gcomhréir le Rialachán (AE) Uimh. 910/2014 agus Rialachán (AE) 2016/679 agus Treoir (AE) 2022/2555 ó Pharlaimint na hEorpa agus ón gComhairle (32) agus le húdaráis ábhartha eile, lena n-áirítear iad siúd atá inniúil maidir leis an gcibearshlándáil agus an ríomh-shainaitheantas.