IARSCRÍBHINN I ÚSÁIDÍ AGUS ÍOSCHEANGLAIS

IARSCRÍBHINN I

ÚSÁIDÍ AGUS ÍOSCHEANGLAIS

Roinn 1.

Úsáidí an uisce athshlánaithe

Uisciú talmhaíochta

Ciallaíonn uisciú talmhaíochta na cineálacha barr seo a leanas a uisciú:

Gan dochar do dhlí ábhartha eile an Aontais i réimsí an chomhshaoil agus na sláinte, féadfaidh na Ballstáit úsáid a bhaint as uisce athshlánaithe i gcomhair tuilleadh úsáidí, amhail na cinn seo a leanas:

Roinn 2.

Na híoscheanglais

Na híoscheanglais is infheidhme maidir le huisce athshlánaithe a bheartaítear lena úsáid le haghaidh uisciú talmhaíochta

Leagtar amach i dTábla 1 na haicmí de cháilíocht uisce athshlánaithe agus na húsáidí a cheadaítear agus na modhanna uisciúcháin le haghaidh gach aicme. Leagtar amach i dTábla 2 de phointe (a) na híoscheanglais don cháilíocht uisce. Leagtar amach i dTábla 3 (faireachán gnáthrialta) agus Tábla 4 (faireachán ar bhailíochtú) de phointe (b) na minicíochtaí íosta agus na spriocanna feidhmíochta chun faireachán a dhéanamh ar uisce athshlánaithe.

Déanfar na barraí a bhaineann le catagóir áirithe a uisciú le huisce athshlánaithe den aicme chomhfhreagrach de cháilíocht íosta uisce athshlánaithe mar a leagtar amach i dTábla 1, ach amháin má úsáidtear bacainní breise iomchuí dá dtagraítear i bpointe (c) d’Airteagal 5(4), a bhfuil sé mar thoradh orthu go mbaintear amach na ceanglais cháilíochta a leagtar amach i dTábla 2 de phointe (a). Féadfaidh bacainní breise den sórt sin a bheith bunaithe ar liosta táscach na mbeart coisctheach dá dtagraítear i bpointe 7 d’Iarscríbhinn II nó in aon chaighdeáin choibhéiseacha náisiúnta nó idirnáisiúnta eile, e.g. caighdeán ISO 16075-2.

Tábla 1 — Aicmí de cháilíocht uisce athshlánaithe agus an úsáid talmhaíochta cheadaithe agus an modh uiscithe

(a)   Na híoscheanglais le haghaidh cáilíocht uisce

Tábla 2 — Ceanglais maidir le cáilíocht an uisce athshlánaithe le haghaidh uisciú talmhaíochta

Measfar go bhfuil uisce athshlánaithe ag comhlíonadh na gceanglas a leagtar amach i dTábla 2 i gcás ina gcomhlíonann na bearta le haghaidh an uisce athshlánaithe sin na critéir seo a leanas ar fad:

(b)   Na híoscheanglais le haghaidh faireacháin

Déanfaidh oibreoirí saoráide athshlánaithe faireachán gnáthrialta chun a fhíorú go bhfuil an t-uisce athshlánaithe ag comhlíonadh na n-íoscheanglas maidir le cáilíocht uisce a leagtar amach i bpointe (a). Cuirfear an faireachán gnáthrialta san áireamh i nósanna imeachta fíoraithe an chórais athúsáide uisce.

Maidir leis na samplaí atá le húsáid chun comhlíonadh na bparaiméadar micribhitheolaíochta a fhíorú ag an bpointe comhlíonta, glacfar iad i gcomhréir le caighdeán EN ISO 19458 nó aon chaighdeáin náisiúnta nó idirnáisiúnta eile lena n-áirithítear cáilíocht choibhéiseach.

Tábla 3 — Na minicíochtaí íosta le haghaidh faireachán gnáthrialta ar uisce athshlánaithe le haghaidh uisciú talmhaíochta

Déanfar an faireachán ar bhailíochtú sula gcuirfear saoráid athshlánaithe nua i bhfeidhm.

Na saoráidí athshlánaithe atá i bhfeidhm cheana agus a chomhlíonann na ceanglais cáilíochta uisce a leagtar amach i dTábla 2 de phointe (a) an 25 Meitheamh 2020, beidh siad díolmhaithe ón oibleagáid sin faireachán a dhéanamh ar bhailíochtú.

Déanfar an faireachán ar bhailíochtú i ngach cás ina ndéantar uasghrádú ar threalamh, agus nuair a thugtar trealamh nó próisis nua isteach, áfach.

Déanfar an faireachán ar bhailíochtú don aicme de cháilíocht uisce athshlánaithe a bhfuil na ceanglais is déine aici, Aicme A, chun a mheasúnú an bhfuil na spriocanna feidhmíochta (laghdú logartaim10) comhlíonta. Is é atá i gceist le faireachán ar bhailíochtú ná faireachán ar na miocrorgánaigh tháscacha a bhaineann le gach grúpa pataigíní, eadhon baictéir, víris agus protozoa. Is iad na miocrorgánaigh tháscacha atá roghnaithe ná E. coli le haghaidh baictéir phataigineacha, baictéarafagaigh dhrólannacha F-shonracha, baictéarafagaigh shómatacha dhrólannacha nó baictéarafagaigh dhrólannacha le haghaidh víris phataigineacha, agus spóir de Clostridium perfringens nó baictéir sulfáitlaghdaithe spórdhéanta le haghaidh protozoa. Tá na spriocanna feidhmíochta (laghdú logartaim10) le haghaidh an fhaireacháin ar bhailíochtú ar na miocrorgánaigh tháscacha roghnaithe leagtha amach i dTábla 4 agus comhlíonfar iad ag an bpointe comhlíonta, agus dlús an fhuíolluisce amh atá ag teacht isteach go dtí an gléasra cóireála fuíolluisce uirbigh á bhreithniú. Bainfidh amach nó sáróidh ar a laghad 90 % de na samplaí bailíochtaithe an sprioc feidhmíochta.

Murab ann do chainníocht leordhóthanach de tháscaire bitheolaíoch san fhuíolluisce amh chun laghdú logartaim10 a bhaint amach, ciallóidh neamhláithreacht an táscaire bhitheolaíoch sin san uisce athshlánaithe go bhfuil na ceanglais maidir le bailíochtú á gcomhlíonadh. Féadfar baint amach na sprice feidhmíochta a dheimhniú trí rialú anailíseach, trí shuimiú na bhfeidhmíochta a cheadaítear do chéimeanna cóireála aonair arna bunú ar fhianaise eolaíoch do phróisis chaighdeánacha sheanbhunaithe, amhail sonraí foilsithe ó thuarascálacha tástála nó ó chás-staidéir, nó sonraí a tástáladh i saotharlann faoi dhálaí rialaithe i gcomhair cóireáil nuálach.

Tábla 4 — Faireachán ar bhailíochtú á dhéanamh ar uisce athshlánaithe le haghaidh uisciú talmhaíochta

Déanfar na modhanna anailíse don fhaireachán a bhailíochtú agus a dhoiciméadú i gcomhréir le EN ISO/IEC-17025 nó caighdeáin náisiúnta nó idirnáisiúnta eile lena n-áirithítear cáilíocht choibhéiseach.

(*1)  Má thagann an cineál céanna bairr uiscithe faoi chatagóirí iolracha de Thábla 1, beidh feidhm ag ceanglais na catagóire is déine.

(*2)  Is é is uisciú silte ann (ar a dtugtar sil-uisciú freisin) ná córas miocruiscithe ar féidir leis braonta uisce nó srutháin bheaga a sheachadadh go dtí na plandaí trí uisce a shileadh ar an ithir nó go díreach faoina dromchla ar rátaí fíorísle (2-20 lítear san uair) ó chóras píopaí plaisteacha ag a bhfuil trastomhas beag atá feistithe le hasraonta ar a dtugtar astairí nó sileáin.

(*3)  I gcás modhanna uisciúcháin lena ndéantar aithris ar bháisteach, ba cheart aird ar leith a thabhairt ar shláinte oibrithe nó daoine ar an láthair a chosaint. Chun na críche sin, déanfar bearta coisctheacha iomchuí a chur i bhfeidhm.

(*4)  Féadfar úsáid a bhaint freisin as na pataigíní tagartha Campylobacter, Rótavíreas agus Cryptosporidium, seachas na miocrorgánaigh tháscacha atá molta a úsáid, chun faireachán a dhéanamh ar bhailíochtú. Ba cheart, sa chás sin, go mbeadh feidhm ag na spriocanna feidhmíochta seo a leanas atá sloinnte mar laghdú logartaim10: Campylobacter (≥ 5,0), Rótavíreas (≥ 6,0) agus Cryptosporidium (≥ 5,0).

(*5)  Roghnaítear iomlán na mbaictéarafagach drólannach mar an táscaire víreasach is iomchuí. Mura féidir anailís a dhéanamh ar iomlán na mbaictéarafagach drólannach, áfach, déanfar ceann amháin acu (baictéarafagaigh dhrólannacha F-shonracha nó baictéarafagaigh shómatacha dhrólannacha) ar a laghad a anailísiú.

(*6)  Roghnaítear spóir de Clostridium perfringens mar an táscaire protozoa is iomchuí. Is rogha mhalartach iad baictéir sulfáitlaghdaithe spórdhéanta, áfach, mura féidir baint logartaim10 arna iarraidh a bhailíochtú de dheasca dhlús na spór de Clostridium perfringens.