1. Beidh an fhaisnéis seo a leanas ar lipéad glantach níocháin tomhaltóra: (a) na cainníochtaí …

(a)

na cainníochtaí molta nó na treoracha dáileogachta arna sloinneadh i millilítir nó i ngraim nó, i gcás inarb ábhartha, an líon aonad atá iomchuí do ghnáthualach meaisín níocháin, i leith na leibhéal cruais uisce bhoig, mheánaigh agus chrua agus treoracha do phróisis níocháin d’aon timthriall amháin nó de dhá thimthriall;

(b)

maidir le glantaigh tromshaothair, líon na ngnáthualaí meaisín níocháin d’fhabraicí ‘gnáthshalaithe’, agus, maidir le glantaigh d’fhabraicí fíneáilte, líon na ngnáthualaí meaisín níocháin d’fhabraicí ‘beagshalaithe’ ar féidir iad a ní le hinneachar an phacáiste agus úsáid á baint as uisce de chruas meánach, arb ionann é agus 2,5 mileamól CaCO3/l; más trí athlíonadh a chuirtear an glantach ar fáil ar an margadh, sloinnfear líon na ngnáthualaí meaisín níocháin in aghaidh 1 lítear nó 1 kg den táirge; más in aonaid atá an glantach a chuirtear ar fáil ar an margadh trí athlíonadh, níl feidhm ag an gceanglas sin;

(c)

toilleadh aon chupáin tomhais, más ann dó, arna léiriú i millilítir nó i ngraim, agus marcálacha air a bheidh infheicthe go soiléir lena léirítear an dáileog de ghlantach atá iomchuí do ghnáthualach meaisín níocháin i leith na leibhéal cruais uisce bhoig, mheánaigh agus chrua.