1. It-tikketta tad-deterġenti tal-ħasil tal-ħwejjeġ għall-konsumatur għandu jkun fiha …

(a)

il-kwantitajiet rakkomandati jew l-istruzzjonijiet dwar id-dożaġġ espressi f'millilitri jew fi grammi jew, fejn ikun rilevanti, l-għadd ta' unitajiet xierqa għal ħasla waħda b'magna tal-ħasil standard, għal-livelli ta' ebusija tal-ilma artab, medju u iebes u li jipprovdu għal proċessi ta' ħasliet f'ċiklu wieħed jew tnejn;

(b)

għal deterġenti qawwija, l-għadd ta' ħasliet b'magna tal-ħasil standard ta' drapp “bi ħmieġ normali”, u għal deterġenti għal drapp delikat, l-għadd ta' ħasliet b'magna tal-ħasil standard ta' ħasla ta' drapp “ftit maħmuġ”, li jistgħu jinħaslu bil-kontenut tal-pakkett bl-użu ta' ilma ta' ebusija medja, li jikkorrispondi għal 2,5 millimoli CaCO3/l; jekk id-deterġent jitqiegħed fis-suq permezz ta' rikarika, l-għadd ta' ħasliet standard b'magna tal-ħasil għandu jiġi espress għal kull litru jew kilogramma tal-prodott; jekk id-deterġent li jitqiegħed fis-suq permezz ta’ rikarika jkun f'unitajiet, dak ir-rekwiżit ma japplikax;

(c)

il-kapaċità ta' kwalunkwe tazza tal-kejl, jekk tkun ipprovduta, indikata f'millilitri jew fi grammi, u marki viżibbli b'mod ċar li jindikaw id-doża ta' deterġent adattata għal ħasla b'magna tal-ħasil standard għal-livelli ta' ebusija tal-ilma artab, medju u iebes.