Airteagal 12 Feasacht faoi cheanglais

Airteagal 12

Déanfaidh na heintitis faoi oibleagáid bearta lena áirithiú go bhfuil a bhfostaithe nó daoine i bpoist inchomparáide a cheanglaíonn a bhfeidhm amhlaidh, lena n-áirítear a ngníomhairí agus a ndáileoirí, ar an eolas faoi na ceanglais a eascraíonn as an Rialachán seo, Rialachán (AE) 2023/1113 agus aon ghníomh riaracháin eile a eisíonn aon mhaoirseoir, agus faoin measúnú riosca uileghnó agus na beartais, nósanna imeachta agus rialuithe inmheánacha atá i bhfeidhm san eintiteas faoi oibleagáid, lena n-áirítear i ndáil le sonraí pearsanta a phróiseáil chun críocha an Rialacháin seo.

Áireofar leis na bearta dá dtagraítear sa chéad mhír rannpháirtíocht na bhfostaithe nó daoine i bpoist inchomparáide, lena n-áirítear gníomhairí agus dáileoirí, i gcláir oiliúna shonracha leanúnacha chun cuidiú leo oibríochtaí a aithint a d’fhéadfadh a bheith ag baint le sciúradh airgid nó maoiniú sceimhlitheoireachta agus chun treoir a thabhairt dóibh maidir le conas leanúint ar aghaidh sna cásanna sin. Beidh na cláir oiliúna sin oiriúnach dá bhfeidhmeanna nó dá ngníomhaíochtaí agus do na rioscaí a bhaineann le sciúradh airgid agus maoiniú sceimhlitheoireachta ar a bhfuil an t-eintiteas faoi oibleagáid neamhchosanta, agus déanfar iad a dhoiciméadú go cuí.