+Airteagal 229 Prionsabail luachála le haghaidh comhthaobhacht incháilithe seachas comhthaobhacht airgeadais
---+Airteagal 229 1.
---+Airteagal 229 2.
---+Airteagal 229 3.
---+Airteagal 229 4.

Airteagal 229 Prionsabail luachála le haghaidh comhthaobhacht incháilithe seachas comhthaobhacht airgeadais

-

1. Forbhreathnú

,
Airteagal 229 1.

Comhlíonfar gach ceann de na ceanglais seo a leanas agus réadmhaoin dhochorraithe á luacháil:

(a) 

déanann luachálaí neamhspleách ag a bhfuil na cáilíochtaí, an cumas agus an taithí is gá chun luacháil a dhéanamh meastóireacht ar an luach go neamhspleách ar phróiseas fála morgáiste, próiseála iasachtaí agus cinnteoireachta iasachtaí na hinstitiúide;

(b) 

déantar meastóireacht ar an luach trí úsáid a bhaint as critéir luachála choimeádacha stuama a chomhlíonann gach ceann de na ceanglais seo a leanas:

(i) 

ní chuirtear ionchais maidir le méaduithe ar phraghsanna san áireamh sa luach;

(ii) 

coigeartaítear an luach lena chur san áireamh ann go bhféadfadh an margadhluach reatha a bheith i bhfad os cionn an luacha ab inbhuanaithe thar shaolré na hiasachta;

(c) 

déantar an luach a dhoiciméadú ar bhealach trédhearcach agus soiléir;

(d) 

níl an luach níos airde ná margadhluach ar an réadmhaoin dhochorraithe i gcás ina bhféadtar an margadhluach sin a chinneadh;

(e) 

i gcás ina ndéantar athluacháil ar an réadmhaoin, ní théann an luach réadmhaoine os cionn an mheánluacha arna thomhas don réadmhaoin sin, nó do réadmhaoin inchomparáide, le 6 bliana anuas i gcás réadmhaoin chónaithe nó le 8 mbliana i gcás réadmhaoin dhochorraithe tráchtála ná os cionn an luacha tráth an tionscnaimh, cibé acu is airde.

Chun an meánluach a ríomh, tógfaidh institiúidí meán na luachanna réadmhaoine a breathnaíodh ag eatraimh chomhionanna agus áireofar trí phointe sonraí ar a laghad sa tréimhse thagartha.

Chun an meánluach a ríomh, féadfaidh institiúidí na torthaí ón bhfaireachán ar luachanna réadmhaoine a úsáid i gcomhréir le hAirteagal 208(3). Féadfar gur mó an luach réadmhaoine ná an meánluach sin nó an luach tráth an tionscnaimh, de réir mar is infheidhme, i gcás ina ndéantar modhnuithe ar an réadmhaoin a mhéadaíonn a luach go soiléir, mar shampla feabhas a chur ar an bhfeidhmíocht fuinnimh nó feabhas a chur ar sheasmhacht agus cosaint an fhoirgnimh agus an aonaid tithíochta agus iad a chur in oiriúint do rioscaí fisiciúla an fhoirgnimh nó an aonaid tithíochta. Ní dhéanfar athluacháil aníos ar an luach réadmhaoine mura bhfuil sonraí leordhóthanacha ag na hinstitiúidí chun an meánluach a ríomh ach amháin má tá an méadú ar an luach bunaithe ar mhodhnuithe lena méadaítear an luach go cinnte.

Cuirfear san áireamh i luacháil na réadmhaoine dochorraithe aon éilimh a rinneadh roimhe sin ar an réadmhaoin, mura gcuirtear éileamh a rinneadh roimhe ré san áireamh i ríomh ollmhéid na neamhchosanta de bhun Airteagal 124(6), pointe (c), nó mar laghdú 55 % den luach réadmhaoine de bhun Airteagal 125(1) nó Airteagal 126(1), agus léireofar, i gcás inarb infheidhme, torthaí an fhaireacháin a cheanglaítear faoi Airteagal 208(3).
Airteagal 229 2.
I gcás earraí infhaighte, beidh luach na n-earraí infhaighte cothrom leis an méid is infhaighte.
Airteagal 229 3.
Déanfaidh institiúidí comhthaobhacht fhisiceach seachas maoin dhochorraithe a luacháil ar a margadhluach. Chun críocha an Airteagail seo, is ionann an margadhluach agus an méid measta ar a ndéanfaí an mhaoin a mhalartú dáta na luachála idir ceannaitheoir toilteanach agus díoltóir toilteanach in idirbheart ar neamhthuilleamaí.
Airteagal 229 4.
Forbróidh ÚBE dréachtchaighdeáin theicniúla rialála chun na critéir agus na tosca a shonrú a bheidh le cur san áireamh chun measúnú a dhéanamh ar an téarma “réadmhaoin inchomparáide”, dá dtagraítear i mír 1, pointe (e).

Cuirfidh ÚBE na dréachtchaighdeáin theicniúla rialála sin faoi bhráid an Choimisiúin faoin 10 Iúil 2027.

Tarmligfear an chumhacht chuig an gCoimisiún chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir leis an nós imeachta a leagtar síos in Airteagail 10 go 14 de Rialachán (AE) Uimh. 1093/2010

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin