Airteagal 289 Tástáil úsáide

Áiritheoidh institiúidí go ndéanfar leithdháileadh na ►C9  neamhchosaintí ◄ arna nginiúint ag an tsamhail a úsáidtear chun EPE iarbhír a ríomh a chomhtháthú go dlúth le próiseas bainistithe laethúil CCR na hinstitiúide, agus go gcuirfear aschur na samhla san áireamh sa phróiseas a bhaineann le faomhadh creidmheasa, bainistíocht CCR, leithdháileadh caipitil inmheánaigh agus rialachas corparáideach.

Taispeánfaidh an institiúid chun sástachta na n-údarás inniúil go raibh sí ag baint úsáide as samhail chun leithdháileadh na ►C9  neamhchosaintí ◄ a ríomh ar a bhfuil an ríomh EPE bunaithe lena gcomhlíontar, tríd is tríd, na ceanglais a leagtar amach sa Roinn seo le haghaidh bliana amháin ar a laghad roimh fhaomhadh a fháil ó na húdaráis inniúla an IMM a úsáid i gcomhréir le hAirteagal 283.

Beidh an tsamhail arna húsáid chun leithdháileadh ►C9  neamhchosaintí ◄ ar CCR a ghiniúint ina cuid den chreat bainistíochta CCR a cheanglaítear le hAirteagal 286. Áireofar leis an gcreat sin tomhas ar úsáid línte creidmheasa, agus ►C9  neamhchosaintí ◄ ar CCR á gcomhiomlánú le ►C9  neamhchosaintí ◄ creidmheasa eile, agus leithdháileadh caipitil inmheánaigh.

I dteannta an EPE, déanfaidh institiúid ►C9  neamhchosaintí ◄ reatha a thomhas agus a bhainistiú. Nuair is iomchuí, déanfaidh an institiúid ►C9  neamhchosaint ◄ reatha a thomhas le comhthaobhacht san áireamh agus glan ar chomhthaobhacht. Comhlíontar an tástáil úsáide má úsáideann institiúid bearta eile CCR, amhail ►C9  neamhchosaint ◄ bhuaice, bunaithe ar leithdháileadh ►C9  neamhchosaintí ◄ arna nginiúint ag an tsamhail chéanna a úsáidtear chun EPE a ríomh.

Beidh an cumas córais ag institiúid EE a mheas ar bhonn laethúil más gá, mura dtaispeánann sí chun sástachta a n-údarás inniúil go dteastaíonn ríomh níos lú minicíochta óna ►C9  neamhchosaintí ◄ ar CCR. Déanfaidh an institiúid EE a mheas feadh phróifíl ama de thréimhsí réamhaisnéise lena léirítear go leordhóthanach struchtúr ama sreabh airgid sa todhchaí agus aibíocht na gconarthaí agus ar bhealach atá comhsheasmhach le hábharthacht agus le comhdhéanamh na ►C9  neamhchosaintí ◄ .

Déanfar ►C9  neamhchosaint ◄ a thomhas, a mhonatóiriú agus a rialú thar shaolré na gconarthaí uile sa tacar glanluachála agus ní amháin thar shaolré tréimhse bliana amháin. Beidh nósanna imeachta i bhfeidhm ag an institiúid chun na priacail a aithint agus a rialú do chontrapháirtithe nuair a ardaítear an ►C9  neamhchosaint ◄ thar thréimhse aon bhliana. Beidh an méadú ar ►C9  neamhchosaint ◄ atá tuartha ina ionchur i samhail caipitil inmheánaigh na hinstitiúide.