+Airteagal 429b Luach►C12neamhchosainta◄na sócmhainní a ríomh
---+Airteagal 429b 1.
---+Airteagal 429b 2.
---+Airteagal 429b 3.
---+Airteagal 429b 4.
---+Airteagal 429b 5.

Airteagal 429b Luach►C12neamhchosainta◄na sócmhainní a ríomh

-

1. Forbhreathnú

,
Airteagal 429b 1.

Ríomhfaidh institiúidí luach ►C12  neamhchosainta ◄ na sócmhainní, cé is moite de na conarthaí díorthacha a liostaítear in Iarscríbhinn II, díorthaigh chreidmheasa agus na suíomhanna dá dtagraítear in Airteagal 429e, i gcomhréir leis na prionsabail seo a leanas:

(a) 

ciallaíonn luach ►C12  neamhchosainta ◄ na sócmhainní luach ►C12  neamhchosainta ◄ dá dtagraítear sa chéad abairt d'Airteagal 111(1);

(b) 

ní dhéanfar idirbhearta um maoiniú urrús a ghlanluacháil.
Airteagal 429b 2.

Ní sháraíonn socrú comhthiomsaithe airgid arna thairiscint ag institiúid an coinníoll a leagtar amach i bpointe (b) d'Airteagal 429(7) ach amháin i gcás ina gcomhlíonann an socrú an dá choinníoll a leanas araon:

(a) 

aistríonn an institiúid a bhfuil an socrú comhthiomsaithe airgid á thairiscint aici iarmhéideanna sochair agus dochair chuntais aonair éagsúla eintiteas grúpa a áirítear sa socrú (“cuntais bhunaidh”) isteach i gcuntas aonair ar leith agus, ar an gcaoi sin, socraíonn sí iarmhéideanna na gcuntas bunaidh go náid;

(b) 

cuireann an institiúid na gníomhaíochtaí dá dtagraítear i bpointe (a) den fhomhír seo i gcrích ar bhonn laethúil.

Chun críocha na míre seo agus mhír 3, ciallaíonn “socrú comhthiomsaithe airgid”, socrú lena ndéantar iarmhéideanna sochair agus dochair cuntas aonair éagsúil a chur le chéile ar mhaithe le bainistiú airgid nó leachtachta.
Airteagal 429b 3.

De mhaolú ar mhír 2 den Airteagal seo, ní sháraíonn socrú comhthiomsaithe airgid nach gcomhlíonfaidh an coinníoll a leagtar amach i bpointe (b) na míre sin, ach a chomhlíonfaidh an coinníoll a leagtar amach i bpointe (a) na míre sin, ní sháraíonn sé an coinníoll a leagtar amach i bpointe (b) d'Airteagal 429(7), ar choinníoll go gcomhlíonfaidh an socrú na coinníollacha uile seo a leanas:

(a) 

tá ceart infheidhmithe le dlí ag institiúid iarmhéideanna na gcuntas bunaidh a fhritháireamh trína n-aistriú go cuntas aonair tráth ar bith;

(b) 

níl aon neamhréireanna aibíochta idir iarmhéideanna na gcuntas bunaidh;

(c) 

gearrann nó íocann an institiúid ús bunaithe ar chomh-iarmhéid iomlán na gcuntas bunaidh;

(d) 

measann údarás inniúil na hinstitiúide go bhfuil an mhinicíocht lena n-aistrítear iarmhéideanna na gcuntas bunaidh uile leordhóthanach ionas go bhféadfaí comh-iarmhéid iomlán an tsocraithe comhthiomsaithe airgid, agus an méid sin amháin, a áireamh sa tomhas ►C12  neamhchosainta ◄ iomlán.
Airteagal 429b 4.

De mhaolú ar phointe (b) de mhír 1, féadfaidh institiúidí ríomh a dhéanamh ar luach ►C12  neamhchosainta ◄ airgid infhaighte agus airgid iníoctha faoi idirbhearta um maoiniú urrús leis an gcontrapháirtí céanna ar bhonn glan, agus ar an mbonn sin amháin, i gcás ina gcomhlíontar na coinníollacha uile seo a leanas:

(a) 

tá an dáta socraíochta deiridh follasach céanna ag na hidirbhearta;

(b) 

an ceart chun an méid atá dlite don chontrapháirtí a fhritháireamh in aghaidh an mhéid atá dlite ag an gcontrapháirtí, tá sé infheidhmithe le dlí i ngnáthchúrsa gnó agus i gcás mainneachtana, dócmhainneachta agus féimheachta;

(c) 

nuair atá sé ar intinn ag na contrapháirtithe socrú a dhéanamh ar bhonn glan nó socrú a dhéanamh go comhuaineach, nó nuair atá na hidirbhearta faoi réir sásra socraíochta a mbeidh socraíocht ar bhonn glan nó a comhionann feidhmiúil mar thoradh air.
Airteagal 429b 5.

Chun críocha phointe (c) de mhír 4, féadfaidh institiúidí a mheas nach mbeidh socraíocht ar bhonn glan nó a comhionann feidhmiúil mar thoradh ar shásra socraíochta ach amháin i gcás ina mbeidh, ar an dáta socraíochta, toradh glan eis-sreabha airgid na n-idirbheart faoin sásra sin cothrom leis an méid aonair glan faoi shocraíocht ar bhonn glan agus ina gcomhlíontar na coinníollacha uile seo a leanas:

(a) 

socraítear na hidirbhearta tríd an gcóras socraíochta céanna nó trí chórais socraíochta a bhaineann leas as bonneagar coiteann socraíochta;

(b) 

tacaítear leis na socruithe socraíochta trí airgead nó trí shaoráidí creidmheasa ionlae a chur ar fáil a bhfuil sé mar aidhm acu a dheimhniú go gcuirfear i gcrích socrú na n-idirbheart roimh dheireadh an lae gnó;

(c) 

ní chuireann aon saincheisteanna a thagann as gnéithe urrús na n-idirbheart um maoiniú urrús isteach ar chur i gcrích ghlansocrú airgid thirim infhaighte agus airgid thirim iníoctha.

Ní mheastar an coinníoll a leagtar amach i bpointe (c) den chéad fhomhír a bheith comhlíonta ach amháin i gcás ina bhféadfaidh teip aon idirbhirt um maoiniú urrús sa sásra socraíochta moill a chur ar shocrú ghné an airgid meaitseála amháin nó ina bhféadfaidh an teip oibleagáid a chruthú don sásra socraíochta, arna tacú ag saoráid chreidmheasa ghaolmhar.

I gcás ina dteipfidh ar ghné urrús idirbhirt um maoiniú urrús sa sásra socraíochta ag deireadh na tréimhse ama chun socrú a dhéanamh sa sásra socraíochta, scarfaidh institiúidí an t-idirbheart seo agus a ghné airgid meaitseála ón tacar glanluachála agus láimhseálfaidh siad iad ar bhonn comhlán.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin