+Airteagal 431 Ceanglais agus beartais maidir le nochtadh
---+Airteagal 431 1.
---+Airteagal 431 2.
---+Airteagal 431 3.
---+Airteagal 431 4.
---+Airteagal 431 5.

Airteagal 431 Ceanglais agus beartais maidir le nochtadh

-

1. Forbhreathnú

,
Airteagal 431 1.
Nochtfaidh institiúidí an fhaisnéis dá dtagraítear i dTeidil II agus III don phobal i gcomhréir leis na forálacha a leagtar síos sa Teideal seo, faoi réir na n-eisceachtaí dá dtagraítear in Airteagal 432.
Airteagal 431 2.
Na hinstitiúidí sin a dtugann na húdaráis inniúla cead dóibh faoi Chuid a Trí le haghaidh na n-ionstraimí agus na modheolaíochtaí dá dtagraítear i dTeideal III den Chuid seo, déanfaidh siad an fhaisnéis a leagtar síos ann a nochtadh don phobal.
Airteagal 431 3.
Glacfaidh comhlacht bainistíochta nó an bhainistíocht shinsearach beartais fhoirmiúla chun na ceanglais maidir le nochtadh a chomhlíonadh a leagtar síos sa Chuid seo agus próisis, córais agus rialuithe inmheánacha a chur i bhfeidhm agus a chothabháil chun a fhíorú gurb iomchuí nochtuithe na n-institiúidí agus go bhfuil siad ag comhlíonadh na gceanglas a leagtar síos sa Chuid seo. Deimhneoidh ar a laghad ball amháin den chomhlacht bainistíochta nó den bhainistíocht shinsearach i scríbhinn gur nocht an institiúid ábhartha na nochtaí a cheanglaítear faoin gCuid seo i gcomhréir leis na beartais fhoirmiúla agus leis na próisis, córais agus rialuithe inmheánacha. An deimhniú i scríbhinn agus príomhghnéithe bheartais fhoirmiúla na hinstitiúide chun na ceanglais maidir le nochtadh a chomhlíonadh, áireofar iad i nochtuithe na n-institiúidí.

Aon fhaisnéis is gá a nochtadh i gcomhréir leis an gCuid seo, beidh sí faoi réir an leibhéil chéanna fíoraithe inmheánaigh agus is infheidhme maidir leis an tuarascáil bhainistíochta a áirítear i dtuarascáil airgeadais na hinstitiúide.

Beidh beartais curtha i bhfeidhm ag institiúidí freisin chun a fhíorú go dtugann a nochtaí léargas cuimsitheach ar a bpróifíl ►C12  riosca ◄ do rannpháirtithe an mhargaidh. I gcás ina bhfuil institiúidí den tuairim nach dtugann na nochtaí sin léargas cuimsitheach ar a bpróifíl ►C12  riosca ◄ do rannpháirtithe an mhargaidh a cheanglaítear faoin gCuid seo, nochtfaidh institiúidí an fhaisnéis don phobal de bhreis ar an bhfaisnéis sin a cheanglaítear a nochtadh. Mar sin féin, ní cheanglófar ar institiúidí ach faisnéis is ábhartha agus nach faisnéis dhílseánaigh nó rúnda í a nochtadh i gcomhréir le hAirteagal 432.
Airteagal 431 4.
Ag gabháil leis na nochtuithe cainníochtúla, beidh insint cháilíochtúil agus aon fhaisnéis fhorlíontach eile a d'fhéadfadh a bheith riachtanach chun go mbeidh úsáideoirí na faisnéise sin in ann na nochtuithe cainníochtúla a thuiscint, agus go háirithe aon athrú suntasach in aon nochtadh ar leith i gcomparáid leis an bhfaisnéis atá sna nochtuithe roimhe sin á lua.
Airteagal 431 5.
Tabharfaidh institiúidí, má iarrtar sin orthu, míniú ar a gcinntí rátála do FBManna agus d'iarratasóirí corparáideacha eile ar iasachtaí, agus tabharfaidh siad míniú i scríbhinn nuair a iarrfar sin orthu. Beidh costais riaracháin an mhínithe comhréireach le méid na hiasachta.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin