TITLE I GENERAL PRINCIPLES

Airteagal 433

Nochtfaidh institiúidí an fhaisnéis a éilítear faoi Theidil II agus III sa chaoi a leagtar amach san Airteagal seo, Airteagail 433a, 433b, 433c agus 434.

Foilseoidh ÚBE nochtuithe bliantúla ar a shuíomh gréasáin ar an lá céanna a fhoilseoidh na hinstitiúidí a ráitis airgeadais nó a luaithe is féidir ina dhiaidh sin.

Foilseoidh ÚBE nochtuithe leathbhliantúla agus ráithiúla ar a shuíomh gréasáin ar an lá céanna a fhoilseoidh na hinstitiúidí a dtuarascálacha airgeadais don tréimhse chomhfhreagrach, i gcás inarb infheidhme, nó a luaithe is féidir ina dhiaidh sin.

Beidh aon mhoill idir dáta foilsithe na nochtuithe a cheanglaítear faoin gCuid seo agus dáta foilsithe na ráiteas airgeadais ábhartha réasúnta agus, ar aon chaoi, ní rachaidh sí thar an tréimhse ama a leagfaidh na húdaráis inniúla amach de bhun Airteagal 106 de Threoir 2013/36/AE.

Airteagal 434a

▼M17

Forbróidh ÚBE dréachtchaighdeáin theicniúla cur chun feidhme chun formáidí nochta aonfhoirmeacha agus faisnéis ar an mbeartas um chur isteach arís a shonrú, agus forbróidh sé réitigh TF, lena n-áirítear treoracha, maidir le nochtuithe a éilítear faoi Theideal II agus III.

▼M8

Cuirfidh na formáidí aonfhoirmeacha sin faisnéis ar leor a cuimsitheacht agus a hinchomparáideacht in iúl d'úsáideoirí na faisnéise sin chun próifílí ►C12  riosca ◄ institiúidí agus a mhéid atá siad ag comhlíonadh na gceanglas a leagtar síos i gCodanna a hAon go dtí a Seacht a mheasúnú. Chun inchomparáideacht na faisnéise a éascú, féachfar sna dréachtchaighdeáin theicniúla cur chun feidhme lena áirithiú go mbeidh formáidí don nochtadh comhsheasmhach le caighdeáin idirnáisiúnta do nochtaí.

Beidh formáidí aonfhoirmeacha don nochtadh i bhformáid tábla nuair is iomchuí.

▼M17

Cuirfidh ÚBE na dréachtchaighdeáin theicniúla cur chun feidhme sin faoi bhráid an Choimisiúin faoin 10 Iúil 2025.

▼M8

Tugtar an chumhacht don Choimisiún na caighdeáin theicniúla cur chun feidhme sin a ghlacadh i gcomhréir le hAirteagal 15 de Rialachán (AE) Uimh. 1093/2010.

Airteagal 434c

Ullmhóidh ÚBE tuarascáil maidir lena indéanta atá sé úsáid a bhaint as an bhfaisnéis arna tuairisciú ag institiúidí seachas institiúidí beaga agus neamhchasta d’údaráis inniúla i gcomhréir le hAirteagal 430 chun an fhaisnéis sin a fhoilsiú ar a shuíomh gréasáin agus an t-ualach neamhchosanta a laghdú do na hinstitiúidí sin dá réir.

Breithneofar sa tuarascáil sin an obair a rinne ÚBE roimhe seo maidir le bailiúcháin chomhtháite sonraí, beidh sí bunaithe ar anailís fhoriomlán costais agus tairbhe, lena n-áirítear costais arna dtabhú ag na húdaráis inniúla, na hinstitiúidí agus ÚBE, agus breithneofar inti aon dúshláin theicniúla, oibríochtúla agus dhlíthiúladlíthiúla a d’fhéadfadh a bheith ann.

Cuirfidh ÚBE an tuarascáil sin faoi bhráid Pharlaimint na hEorpa, na Comhairle agus an Choimisiúin, tráth nach déanaí ná an 10 Iúil 2027.

Cuirfidh an Coimisiún, i gcás inarb iomchuí, togra reachtach bunaithe ar an tuarascáil sin faoi bhráid Pharlaimint na hEorpa agus na Comhairle faoin 31 Nollaig 2031.