Nochtfaidh institiúidí an fhaisnéis seo a leanas maidir le cripteashócmhainní agus seirbhísí cripteashócmhainní chomh maith le haon ghníomhaíocht eile a bhaineann le cripteashócmhainní:
(a)
na méideanna neamhchosanta díreacha agus indíreacha i ndáil le cripteashócmhainní, lena n-áirítear na holl-chomhpháirteanna fada agus gearra de ghlan-neamhchosaintí;
(b)
Méid iomlán na neamhchosanta ar riosca maidir le riosca oibriúcháin;
(c)
an t-aicmiú cuntasaíochta le haghaidh neamhchosaintí cripteashócmhainní;
(d)
tuairisc ar na gníomhaíochtaí gnó a bhaineann le cripteashócmhainní agus a dtionchar ar phróifíl riosca na hinstitiúide;
(e)
tuairisc shonrach ar a mbeartais bainistithe riosca a bhaineann le neamhchosaintí cripteashócmhainní agus le seirbhísí cripteashócmhainní.
Chun críocha na chéad fhomhíre, pointe (d), den mhír seo, soláthróidh institiúidí faisnéis níos mionsonraithe maidir le gníomhaíochtaí ábharacha gnó, lena n-áirítear maidir le comharthaí sócmhainn-tagartha suntasacha, agus comharthaí ríomh-airgid suntasacha a eisiúint agus maidir le seirbhísí cripteashócmhainní a sholáthar faoi Airteagail 60 agus 61 de Rialachán (AE) 2023/1114.