An raon feidhme

Ba cheart do na húdaráis inniúla mar a shainmhínítear iad i bpointe (36) d’Airteagal 3(1) de Threoir 2013/36/AE agus i bpointe (5) d’Airteagal 3(1) de Threoir (AE) 2019/2034 na treoirlínte sin a chur i bhfeidhm ag leibhéal aonair agus ag an leibhéal comhdhlúite dá dtagraítear in Airteagal 110 de Threoir 2013/36/AE.

Maidir leis na húdaráis ar a gcuirtear an dualgas poiblí maoirseacht a dhéanamh ar na heintitis faoi oibleagáid a liostaítear i bpointe (1) agus i bpointe (2) d’Airteagal 2(1) de Threoir (AE) 2015/849 chun an Treoir sin a chomhlíonadh, ba cheart dóibh na treoirlínte sin a chur i bhfeidhm, ag leibhéal an duine aonair, agus ag leibhéal an ghrúpa a leagtar amach in Airteagal 48 (5) de Threoir (AE) 2015/849² .

² Treoir (AE) 2015/849 ó Pharlaimint na hEorpa agus ón gComhairle an 20 Bealtaine 2015 chun cosc a chur ar úsáid an chórais airgeadais chun críocha sciúradh airgid nó maoinithe sceimhlitheoireachta, lena leasaítear Rialachán (AE) Uimh. 648/2012 ó Pharlaimint na hEorpa agus ón gComhairle agus lena n-aisghairtear Treoir 2005/60/CE ó Pharlaimint na hEorpa agus ón gComhairle agus Treoir 2006/70/CE ón gCoimisiún (IO L 141, 5.6.2015, lch 73).