10.8 Idirghníomhaíocht idir bearta maoirseachta agus luath-idirghabhála

Le cois na mbeart maoirseachta dá dtagraítear dóibh sa teideal seo, maidir le gnólachtaí infheistíochta atá faoi réir cheanglais Threoir 2014/59/AE, féadfaidh údaráis inniúla bearta luath-idirghabhála a chur i bhfeidhm mar atá sonraithe in Airteagal 27 den Treoir sin, ar bearta iad atá beartaithe chun an tacar beart maoirseachta a shonraítear in Airteagal 39 agus in Airteagal 42 de Threoir (AE) 2019/2034 a fhorlíonadh.

Ba cheart d’údaráis inniúla bearta luath-idirghabhála a chur i bhfeidhm gan dochar d’aon bhearta maoirseachta eile, agus nuair a bhíonn bearta luath-idirghabhála á gcur i bhfeidhm acu, ba cheart dóibh an beart/na bearta is iomchuí a roghnú chun freagairt atá comhréireach leis na himthosca ar leith a áirithiú.