Ábhar

Sonraítear sna Treoirlínte seo, chun críocha tagarmharcáil chomhchuibhithe cleachtas éagsúlachta de réir Airteagal 91(11) de Threoir 2013/36/AE agus Airteagal 26 de Threoir (AE) 2019/2034, an fhaisnéis atá le cur ar fáil ag institiúidí agus gnólachtaí infheistíochta, mura bhfuil siad beag agus neamh-idirnasctha, d’údaráis inniúla agus ó údaráis inniúla chuig ÚBE chun cleachtais éagsúlachta a thagarmharcáil, lena n-áirítear faisnéis arna nochtadh de réir Airteagal 435(2)(c) de Rialachán (AE) Uimh. 575/2013 agus faoi Airteagal 48 de Rialachán (AE) 2019/2033.

Chomh maith leis sin, sonraítear sna Treoirlínte seo, chun críocha thagarmharcáil chomhchuibhithe na bearna phá idir na hinscní ar leibhéal an chomhlachta bainistíochta, an fhaisnéis atá le cur ar fáil ag institiúidí agus gnólachtaí infheistíochta, mura bhfuil siad beag agus neamh-idirnasctha, d’údaráis inniúla de réir Airteagal 75(1) de Threoir 2013/36/AE agus Airteagal 34(1) de Threoir (AE) 2019/2034 agus ó údaráis inniúla chuig ÚBE.