4.2. Rialachas

Agus anailís ar chásanna comhshaoil á forbairt agus á cur chun feidhme, ba cheart d’institiúidí socruithe rialachais a chur i bhfeidhm i gcomhréir le Treoirlínte ÚBE maidir le Rialachas Inmheánach⁶ agus le Treoirlínte ÚBE maidir le rioscaí ESG a bhainistiú. Ba cheart d’institiúidí próiseas a bhunú chun téagar na hinsinte coitinne agus na gcásanna a úsáidtear ar fud a réimeanna gnó a áirithiú agus chun a áirithiú go ndéanfar athbhreithniú rialta ar na hinsintí agus ar na cásanna sin, go háirithe i gcás athruithe suntasacha sa timpeallacht ghnó.

⁶ Treoirlínte ÚBE maidir le rialachas inmheánach faoi Threoir 2013/36/AE ( ÚBE/GL/2021/05 ).

Chun comhsheasmhacht na dtoimhdí agus na meastachán a dhéantar ar fud feidhmeanna gnó a fheabhsú chomh maith lena áirithiú go bhfuil torthaí na n - anailísí cáis ábhartha agus insaothraithe trí phróisis atá ann cheana, ba cheart d’institiúidí cur chuige trasfheidhmiúil a fhorbairt. Ba cheart go n - áiritheodh comhoibriú den sórt sin i measc ranna éagsúla go gcuireann saineolas agus léargais ó fheidhmeanna éagsúla le creat cuimsitheach agus láidir maidir le hanailís a dhéanamh ar chásanna. Ba cheart d’institiúidí bunús a thabhairt lena n anailísí ar chásanna agus iad a dhoiciméadú, lena n áirítear roghanna cásanna agus samhaltaithe, toimhdí a rinneadh, athróga ionadacha a úsáidtear chun déileáil le bearnaí

• - - sonraí, fachtóirí a áirítear nó a eisiatar, chomh maith leis na príomhthorthaí agus na príomhchonclúidí ar thángthas orthu.