4.2. Governanza

Meta jiżviluppaw u jimplimentaw analiżi tax - xenarju ambjentali, l - istituzzjonijiet għandhom japplikaw arranġamenti ta’ governanza f’konformità mal -Linji Gwida tal-EBA dwar il-Governanza Interna⁶ u l-Linji Gwida tal-EBA dwar il- ġestjoni tar - riskji tal -ESG. L- istituzzjonijiet għandhom jistabbilixxu proċess biex jiżguraw ir - robustezza tan - narrattiva u tax - xenarji komuni użati fil -linji tan- negozju tagħhom u jiżguraw li dawn in - narrattivi u x - xenarji jiġu rieżaminati regolarment, speċjalment fil - każ ta’ bidliet sinifikanti fl -ambjent tan- negozju.

⁶ Il-Linji Gwida tal-EBA dwar il- governanza interna skont id - Direttiva 2013/36/UE (l -EBA/GL/2021/05).

Sabiex tissaħħaħ il - konsistenza tas - suppożizzjonijiet u l - istimi magħmula fil - funzjonijiet tan - negozju kif ukoll sabiex jiġi żgurat li r - riżultati tal - analiżi tax - xenarji huma rilevanti u sfruttabbli mill - proċessi eżistenti, l - istituzzjonijiet għandhom jiżviluppaw approċċ transfunzjonali. Tali kollaborazzjoni fost diversi dipartimenti għandha tiżgura li l - għarfien espert u l - għarfien minn diversi funzjonijiet jikkontribwixxu għal qafas komprensiv u robust tal- analiżi tax - xenarji. L - istituzzjonijiet għandhom jissostanzjaw u jiddokumentaw l - analiżijiet tax - xenarji tagħhom, inklużi l - għażliet tax - xenarji u tal - immudellar, is - suppożizzjonijiet magħmula, l - indikaturi użati biex ilaħħqu mal - lakuni fid -data, il- fatturi inklużi jew esklużi, kif ukoll ir - riżultati u l- konklużjonijiet ewlenin milħuqa.